چاوا دێ زارۆیان فێری ئه‌ته‌كێن ژیانێ پێنگاڤ بو پێنگاڤێ كه‌ی
ئه‌ڤرۆ، به‌رپه‌رێ ساخله‌میێ:
ئێك: زارۆكێن ژێر چار سالییێ پێدڤیه فێری ره‌وشتێ باش ببن، دڤێت كه‌سانێن مه‌زن دووربكه‌ڤن ژ وێ چه‌ندێ ل پێش چاڤێن زارۆیێن ڤی عه‌مری یاریان ب كه‌سێن دیتربكه‌ن، ب شێوه‌یه‌كێ باش ره‌فتارێ ل گه‌ل ده‌وروبه‌رێن خوه بكه‌ن.
دو: بۆ هندێ زارۆیێ ته فێری ره‌وشتێ باش ببیت، دڤێت ببیه نموونه‌یه‌كا باش بۆ وی، بۆ نموونه ده‌مێ داخازا په‌رداخه‌كێ ئاڤێ ژ زارۆكی دكه‌ی بێژێ ” هیڤیه تو دشێی په‌رداخه‌كێ ئاڤێ بۆ من بینی”، ب ڤێ چه‌ندێ دێ فێربیت په‌یڤێن جوان ب كاربینیت.
سێ: پشتی عه‌مری 6 سالیێ پێدڤیه زارۆكێ خوه فێربكه‌ی رێزێ ل كه‌سێن مه‌زنتر بگریت و ب جوانی ره‌فتارێ ل گه‌ل بكه‌ت، تو دشێی پاداشتا وی بكه‌ی ده‌مێ ره‌فتاره‌كا باش ئه‌نجام دده‌ت بۆ هندی هانبده‌ی به‌رده‌وام بیت.
چار: پێدڤیه زارۆیان فێربكه‌ین كو نابیت گوهداریا ئاخفتنێن مه‌زنان بگرن، ده‌مێ مێڤانه‌ك دهێت یان دچیت، چه‌ند یارییه‌كا بۆ زارۆكی ئاماده بكه بۆ هندێ پێڤه مژوول ببن، هه‌روه‌سا هه‌كه ژیێ گونجای نه‌بوو فێربكه لسه‌ر بابه‌تێن مه‌زن ئاخفتنێ نه‌كه‌ن، به‌لێ ب شێوه‌یه‌كی ل به‌ر چاڤێن كه‌سێن دیتر نه‌بێژێ و نه‌شكێنه.
