چاوا مووسل كهفت؟ بۆچی كهفت؟ كێ ئێخست؟ و دێ چ لێ كهن؟
نووری ئهلمالكی سهرۆك وهزیرێن عیراقێ یێ بهرێ داخوازا كۆمبوونهكا گرنگ و ب لهز ژ سهرۆك كۆماڕێ عیراقا فیدرال بهرێز جهلال تالهبانی كر، لێ دهما كو دهێته جهێ بێهنڤهدانا سهرۆك كۆمارێ، ب ژۆركهفت و گۆته ب رێز تالهبانی: ئهز گهلهكێ ژ ته تۆڕه مه و نهرازیمه.. راسته من گۆتبوو من كۆمبوونا ههیی بهس من كۆمبوون ل گهل ته نینه.
مالكی دبێژیته تالهبانی: وێ رۆژێ من چ ل دهف ته ئاخفتیه؟، سهرنڤیسهرێ رۆژناما “المدی” فهخری كهریم یا ل رۆژناما خوه ئینایه خارێ، و ئهزێ ل گهل سونهیان تووشی گڕفتان كریم، سونه یێ داخواز دكهن رۆهنكرنهكێ بدهم یان گۆتنێن فهخری كهریم ب درهو دهربێخم و سزادهم، ئهزێ هاتیم تو من ژ ڤێ كڕفتێ قورتال كهی ب دهڤێ خوه بێژیه ههمی دهزگههێن راگههاندنێ، فهخری كهریم درهوان دكهت و مالكی وهنهگۆتیه. مام جهلال ب كهنی و گرنژین ڤه داخواز ژ مالكی كر روونیت و دێ گازی فهخڕی كهت بهێت ڤێ ئاریشێ چارهسهر بكهت.
لێ مالكی گهلهك ب كڕێتی و توند و لڤینێن دهستی گۆتێ نارینم، و دڤێت نوكه بۆ راگههاندنێ باخڤی بێژی فهخری درهوكر، تالهبانی گۆتێ :برایێ نووری باش بزانه فهخری كهریم، دهنگێ مه یێ تۆماركری نهشێم بێژم فهخری درهوان دكهت، پاش دێ ههمی تۆمارا دهنگی بهلاڤه كهت، پاش دێ خراپتر لێ هێت.
مالكی هێشتا بلندتر دهنگێ خوه ل سهرۆك كۆماری بلندكر و گهلهك ب تهشهنوج و زڤر گۆتێ: ئهڤه بۆ ته و فهخری كهریم نامینیت، و بێ خاتر خواستن دزڤریت و دچیت.
دهملدهست مامه ژ قههران دا دكهڤیت و های ژ خوه نامینیت جهڵته لێددهت، و ئهو دووماهێ جار بوو راببیته سهر پێن خوه.
د وێ كۆمبوونێدا یا كو فهخری كهریم بهلاڤكری، مالكی گۆتبوو مام جهلال تالهبانی: ئهزێ هاتیم من داخوازیهكا ههی بگههینه بارزانی، ههكه هوون رازی ببن دێ كۆمبین. ئهو ژی كهركووك بۆ مه و مووسل و سونهیێن غهوغائی و تێكدهر بۆ ههوه و دێ پشتهڤان بم سهربهخوه ببن. ئهگهر نه ـ دێ مووسل و دهڤهرێن سونی ژبنی پووچكهم و وێران كهم، هندی ژ من بهێت ناهێلم بارزانی ب سلامهتی بگههیته چ ئارمانجێن خوه..
پشتی جهڵتا سهرۆك كۆماری و نهگههشتنا مالكی ب ئارمانج كو دڤیا شهڕێ سونهیان ب بارزانی بدهتهكرن. مالكی دهست ب پلانێن خوه كر و بۆدجهیا ههرێمێ بڕی.
لێ ههر چ مفا ژ پلانا خوه نهدیت كو كورد رازی ببن دهست ژ كهركووك بهردهن ل بهرامبهر مووسل پاش لهشكر كێشا و ههمی ئهفسهرێن وی ژمووسل ڕهڤێن و دهركهتن ژێ ئێك تهقه ژ بال داعش بهێته هاڤێتن و مووسل هێلا بێ پشت و ههمی چهكێ خوه ب بهایێ ملیاراتان بۆ وان هێلا.
رۆژا دوویێ ژ بهردان و ژ دهستدانا مووسل، ژنوى داعش چوونه د مووسل دا ئهو بهرههڤی نهبوون هند قهبارێ عهردی هۆسا زوو بستینن و ل شوونا داعش هێرشێ ببهنه سهر بهغدا و دهڤهرێن شیعهنشین و كهركووكا خلۆله و بێ سهر و نهئێكگرتی.
هێرش ئینا ل سهر ههرێمێ وهدڤهرێن كوردی یێن دهرڤهی دهستههلا ههڕێمێ، پاش مووچێ فهرمانبهران ژی بری. پاش چهندین پهیوهندیان ل گهل ناوشێروان موستهفا شیا باوهریێ بۆ رێكخهرێ بزاڤا گۆڕان دروست كهت كو جهماوهر و رێخستیێن خوه ل دژی مانا بارزانی ل قهلادزێ و سهید سادق و سلێمانیێ بینته ل سهر جادان، خهلك ههمی یێ نهرازیه ژ دهستههلاتا بارزانی ههر دهما ته ئهو چڕیسك ههلكر دووماهیا پارتیه د دهستههلاتێ دا، مالكی بۆ دوپاتكر ب ههمی شیان دێ پشتهڤانیا هێز و ههمی شیان ل گهل بن، ههكه گههشته ههولێر و پلانا وان سهرگرت ب هاریكاریا بالهك ئان دو یێن ئێكهتی نشتیمانی كوردستان و بالهكێ پهكهكێ ژ لایێ قهندیل ڤه، كو پارتی دیمۆكراتی كوردستان هایداری ههمی جم و جۆل و لڤین و كۆمبوون و پلانێن وان بوو، ههتا دووماهی قووناغ و شكهستن ئینای. پشتی نێزیكبوونا سهركهفتنا پرۆژێ سهرۆكێ ههرێمێ رێزدار مسعود بارزانی بۆ سهرخهبوونێ، مالكی ب رێكێن تایبهت نوونهرێن خوه هنارتنه بریتانیا سهرهدانێن ناوشێروان موستهفا كرن، ب نهێنی ل دهرڤهی وهلاتی داخوازا ژێ كر كو لێكنێزیكبوونێ ژ ئێكهتیێ بكهت د ڤێ قووناغا ههستیار دا ژ به ر وان سهركهفتن و پلانێن سهڕۆكێ ههرێمێ بۆ دهولهتبوونێ داناین.
پشتی پلانا وان یا كۆدهتایێ ل دژی بارزانی سهرنهگرتی، داخوازا نێزیكرنا ههردو پارتا مهرهم پێ پووچكرنا پرۆژێ سهرخهبوونێ و دهولهتا كوردی بوو و نه ڤهقهتاندنا كوردان ژ بهغدا. ئهڤه نیڤشكێ بابهتێ مه یێ سهرهكی بوو. كو ئهڤ بابهته من بهردهوام ڤهكۆلایه و ژێدهرێن تایبهت ئهڤ پێزانینه مه وهرگرتینه. پشتی سهرهدانا نووری مالكی بۆ سلێمانیێ سهرهدانا ب رێز مام جهلال كری. ئهوێ كو بوویه ئهگهرێ نهخۆشی و كهفتنا وی ب نهخۆشیا گران و مللهتێ كورد ههمی خستیه قهیرانا ئابووری… ئهڤه لێكۆلین و خواندنا من یا دهسپێكا هاتنا مالكی بۆ سهر حوكمی، لێ بۆ ئێكهم جاره بهلاڤ دكهم، پشتی هاتنا وی بۆ سلێمانیێ كو سرنجا من راكێشا ڤان راستیان ئاشكرا بكهین و خهلك وخواندهڤان بزانن.
