چاڤدێرەک: د قانوونا لێبۆرینا گشتی یا تورکیا دا چو بۆ کوردان نینە
ئەڤرۆ نیوز:
بایرام یوکسەل چاڤدێرێ سیاسی یێ باکورێ کوردستانێ راگەهاند کو دەمەکە ل تورکیا بەحسێ قانوونەکێ بۆ لێبۆرینا گشتی دهێتە کرن و نها کارێ ئامادەکرنا وێ قانوونێ بەر ب دووماهیێ ڤە دچیت لێ مخابن ئەز دشێم بێژم کو د وێ قانوونێ دا چو بۆ کوردان نینە.
ناڤهاتی راگەهاند کو پرانیا گرتیێن کورد یێن ل تورکیا ژ بەر کارێن سیاسی هاتینە گرتن و د قانوونێ دا هاتیە دیار کرن کو کەسێن دژبەریا دەولەتا تورکیا کرینە و وەکو تیرۆرست هاتینە گرتن ب چو رەنگەکێ ژ قانوونا نوو یا لێبۆرینا گشتی نەشێن مفادار بن، ئەو یەک ژی نیشا ددەت کو د قانوونا نوو دا چو بۆ کوردان نینە.