چاڤدێر
چیرۆك: عەزیز نەسین
وەرگەراندن بۆ عەرەبی: سامح مەنسور
ژ عەرەبی بۆ كوردی: محەمەد چەلكی
رۆژێن داویێ دزیندانێ دا دۆزەخەكا نەدهاتە بەرگەگرتن. هەڤژینا وی هێلابوو، پشتی ژ زیندانێ دەركەفتی، تەنێبوونێ ئەو دمر مراند، د جاددێن پایتەختی دا كەسەكێ نامۆ و مریچوو بوو، خوە تێدا نەددیت.
رەوشا وی یا ئابووری گەلەكا پرپتی بوو، شیانێن دانا كرێ یا شوقێ نەبوو. بریارا دەركەفتنێ و لێ گەرهانا شوقەكا ب چووكتر ژ دەرڤەی باژێری دا كو بشێت كرییا خوە بدەت، بەری نوكە ئێك بوو ژ چالاكڤانێن سیاسی. داخوازا دادوەریا جڤاكی دكر بۆ هەژار و نەدارا. هەموو ژیانا خوە و گەنجاتیا خوە د پێخەمەتا داخوازكرنا مافێن دا مەزاختییە، لێ ئەڤرۆ پشتی ئازادبوونا وی ژ زیندانێ ئەو ژ وان نەدارتر و هەژارترە و پشتی لێگەریانەكا درێژ ب سەر مەرەما خوە هەل بوو. مالەكا ئێك ژۆری یا عەدەدكی ب رێكا دو دەمهژمێران ب پەیادە ژ باژێری دویر.
پەرتووكێن كەڤنارە، كنجێن كەڤن … ئەو هەمی مالداریا وی نە. بەرامبەری مالێ دوكانەكا بچویك ژ داران و تەنەكێ رزی ئاڤاكری … ژ لایێ چەپێ زنجەك بۆ فرۆتنا كەساتیێ(فێقی) لێ بوو. هەردو دوكاندار گازندا ژ كێمییا بكڕان ل ڤێ دەڤەرێ دكەن. ژ ئەنجامێ هەژارییا وانا زێدە پەیوەندییەكا ب هێز ل نابەینا وان پەیدابوو.
پشتی ئاكنجیبوونا وی د وارێ وی یێ نوو دا كێك فرۆش و گەنمۆك فرۆش هاتنە وی تاخی، پاشی شریناهی فرۆش … پاشی ئاڤ فرۆش و دوماهیێ ئیسكافیەك، هەموو د گەل مالباتێن خوە ل وی تاخی ئاكنجیبوون. ب بۆرینا دەمی ئەو دەر بوو بازارەكێ بچویك. كاركەرێ پاقژیێ دەست ب پاقژكرنا جاددێ كر. هویر فرۆش ل جاددێ مشە بوون، قەهوەخانەیەك هاتە ئاڤاكرن. د ڤێ رەوشێ دا هەست ب خوەشیەكا مەزن دكر. لێ مخابن هێشتا هەر یێ مای بێكار. چ رێك ل بەر نەمانە ژ بلی دەینان ژ براردەران بكەت، لێ مخابن ئەو ژی دمفلسن. ناسیارەكێ وی پێشنیارەك پێشكێش كر كو بڤەگەرهتە باژێری و د گەل وی د ژۆرەكێ دا ب هەروە ئاكنجی ببیت. كەیفا وی ب پێشنیارێ هات، لێ د بنی ڕا نەشێت مالا خوە بهێلیت، چونكە یێ دەینداری دوكانداری و دوكانا فێقی و یێن دنە.
شەڤەكێ ژ شەڤان دەما وی هزرا خوە دكر كانێ دێ ب چ رێك ژ ڤێ ریپا ئەو كەفتیێ دەرباس ببت، دەرگەه هاتە قۆتان. ئامدەبووی پێكهاتبوون ژ دوكاندار و فرۆشیارێ فێقی و خودانێ قەهوەخانێ. داخوازا لێبوورینێ ژێ خواستن گۆت: وی چ نینە پێشكێشی وان بكەت. وانا گۆت: چ نینە مە چا و شەكر یێن دگەل خوە ئیناین.
وی هزردكر یێن هاتین داخوازا دەینێ خوە بكەن.
وان: گۆتەیێ … مە یا بهیستی تە ل بەرە ژ ڤێرێ بچی.
وی گۆتە وان: پشت ڕاست بن، ئەز ژ ڤێرێ ناچم هەتا دەینێن هەوە بدەم.
وان گۆتەیێ: رێزدار شەرمە، دەینێن چ … ما دەینەك د ناڤ بەرا مە دا هەیە، ما مە داخوازا تشتەكی ژ تە كرییە؟ ئەم باش دزانین تە چ یا بۆ هەژار و نەدارا كری، ئەمێن هاتین جەم تە داخوازا مانێ ژ تە بكەین و ژ ڤێرێ نەچی. تۆ مرۆڤەكێ توبەركی … ئەڤە تو هاتییە ڤی تاخی و بزاڤا بازرگانیێ د زێدەبوونەكا بەردەوام دایە، ئەم دێ كریا تە دەین هەروەسا دێ كریا مانەڤەیا تە دەین، بەس تو نەچە، هەروەكو مە گۆتی تو كەسەكێ توبەركی و چ تۆڤ توبەرك.
سوپاسیا پێشنیارا وان كر، لێبۆرین خواست كو نەشێت پێشیارا وان بپەژرینیت. لێ وان هەر رژدی لێ كر. چ نەمابوو دا دەست ب گریێ كەت. نە هەرێ گوهۆرینەكا د ڤی وەلاتی دا پەیدا دبت. هەروەكو پێلەكا هشیار بوونێ دەستپێكر ڤی خەلكی ژ خەوا گرانا وان هشیار دكەت. خەباتا وی و هەڤالێن وی د وان هەموو سالان دا بۆ كارێن بێ وەج نەبوویە. بەرێ ئەڤ مرۆڤێن راوەستای بەرامبەری وی بەرێخوە ژێ وەردگێران و نەفرەت لێ دكرن.
خودێ هەوە بهێلیت، گەلەك سوپاس، دەستویریێ بدەن من، ئەز نەشێم ڤێ هاریكاریا هەوە ئەرێ بكەم.
داخواز ژێ كرن مالەكا باشتر بۆ بكرێ بگرن … خولامەكی بۆ بگرن دا خزمەتا وی بكەت، هەر رۆژ بۆ خوارنێ ب هەروە بهنێرن. لێ ئەو هەر ل سەر رەتكرنێ یێ مجد بوو.
وی دەمی هەر سێكا ل هەڤ نێڕا و بریار دا ڕاستیا بابەتی بۆ ڤەگێرن.
گوهێ خوە بدێ مامۆستایێ مە یێ بەرێز … خودێ تە بۆ مە وەك دەولەمەندی و روومەت بپارێزت … ل وی دەمێ تو هاتیە ڤێرێ، هەر ل وی دەمی پۆلیسێن نهێنی د تاخان دا ب شێوەیێن جودا جودا دهێن و دچن ( كارمەندێن گلێشی، بۆیاخچی) … دەست ب لڤینان كریە بۆ چاڤدێریكرنا تە و دا تو تم ل بن چاڤدێریكرنا وان دا بی. بۆ ڤان پۆلیسان هندەك پۆلیسێن دن ئینانە بۆ چاڤدێریكرنا وان. بۆ ڤانا هندەكێن دن ئینانە بۆ چاڤدێریكرنێ، تا هەمی نوكە ل تاخی ئاكنجیبوونە. ب ڤی رەنگی بازرگانیا مە وەراركر. رەوشا مە یا ئابووری گەلەك باش بوویە. ئەگەر تو ژ ڤێرێ بچی, دەڤەر دێ ڤەگەرهت بۆ رەوشا خوە یا بەرێ، هەژاری و نەداریێ چونكو پۆلیس هەموو دێ ژ ڤێرێ چن و كەڤنە دویف شۆپا تە. نەچە بۆ خاترا خودێ رێزدارێ مە ژ ڤێرێ نەچە، بەردانە گری، وی ژی بەردا گری لێ بۆ تشتەكێ دن.
ژێدەر:چاڤدێر، عەزیز نەسین. ژ مالپەرێ دێستۆییفسكی هاتیە وەرگرتن ل رۆژا 24-04-2023.
