چه‌كدارێن داعش 45 كه‌س ژ هۆزا ئه‌لبونمر گۆله بارانكرن
ئه‌ڤرۆ نیۆز:
چالاكڤانێن سڤیل و دیده‌ڤانێن خه‌لكێ باژێرێ هیت ل پارێزگه‌ها ئه‌نبار ئاشكراكرن، تیرۆرستێن چه‌كدارێن داعشێ 45 كه‌س ژ هۆزا ئه‌لبو نمر ل ناڤه‌ندا باژێرێ ناڤبرى گولله‌بارانكرن و 50 خێزان ژى ژ ئالیێ وان چه‌كدارن ڤه هاتینه ده‌سته‌سه‌ركرن.
چالاكڤانێ هیتى یێ سڤیل ب ناڤێ عومه‌ر سه‌عد راگه‌هاند، تیرۆرستێن داعشێ 45 كه‌س ئینانه ناڤه‌ندا باژێرێ هیت كو هه‌موو ژ هۆزا عه‌ره‌بێن (ئه‌لبه نمر) ل مه‌یدانا تاخێ به‌كر ل رۆژهه‌لاتا پارێزگه‌ها ئه‌نبار كومكرن، و لبه‌ر چاڤێن خه‌لكێ هیت گولله‌بارانكرن.