چهوا قهیرانا دارایی یا بهرشهلۆنا ب دووماهی هات
ئهڤرۆ،
لدووڤ راپۆرتا رۆژناما ELCONFIDINITAL دیاركر كو یانا بهرشهلۆنا دێ دووماهی ب قهیرانا دارایی ئینت ئهوا ههر ژ سالا 2019ێ پشتی پهتایێ كۆرۆنایێ كهفتیه لبن گڤاشتنێن دارایی دا وچهندین یاریزانێن خودان شیان ژ دهستدا بوون ژوانا ستێرێ ئهرجهنتینی و یاریزانێ نوكه یێ پاریس سانجێرمان لیونێل مێسی و بڕیاره بشێوهكێ فهرمی گرێبهستێ ل گهل دو كۆمپانیێن مهزن ب كۆژمێ 900 ملیۆن یۆرۆیان ئیمزابكهت بۆ كارێن سپۆنسهری و ریكلامكرنێ.
ههمان رۆژنامێ دیاركر كو سهرۆكێ یانا بهرشهلۆنا خوان لاپۆرتایی ل گهل ههر ئێك ژ كۆمپانیا CVC و ASF جۆلدن مان ساكسی ب كۆژمێ 900 ملیۆن یۆرۆ بشێوێ سلف و بێ باجا دارایی كو ئهڤ پێنگاڤه دێ یانا بهرشهلۆنا ژ قهیرانا دارایی قۆرتالكهت و دنێزك دا دێ یانا كاتهلۆنی دووماهی ب قهیرانێ ئینت و دێ شێت گوهۆڕینێن مهزن بكهت بۆ بهێزكرنا تیما خوه یا تهپا پێی.