چو ئاشتی د ناڤبەرا مە و ئەمریکا دا نینە
سەرۆکێ پەرلەمانێ ئیرانێ محەمەد باقر قالیباف د داخویانیەکێ دا بۆ دەزگەهێن راگەهاندنا ئیرانێ دیار کرن، بابەتێ دانوستاندنان ل گەل ئەمریکا گەلەک زەحمەتە، وەکو هندەک کەس هزر دکەن وەسا ب ساناهی ژی نینە، بابەت ئاشتی نینە، بەلکو مە دڤێت رێککەفتن بهێتە کرن دا جارەکا دی ئێرشی ئیرانێ نەهێتە کرن، لێ مە باوەری ب ئەمریکا نینە.
سەبارەت ب دانوستاندنێن هەتا نها ژی ناڤهاتی دیار کر، هندەک زێدەگاڤی ژ ئالیێ ئەمریکا ڤە هەنە و ئیرانێ ئەو یەک ب توندی رەت کریە و هەکە رێککەفتن ژی بهێتە کرن ئەو وەکو ئیران ب چو رەنگەکێ ئسرائیلێ وەکو دەولەت قەبوول ناکەن و ئسرائیل دوژمنێ ئیرانێ یە، هەروەسا ئیران ب چو رەنگەکێ ژی دەست ژ مافێن خوە بەرنادەت و هەکە ئەمریکا و ئسرائیل جارەکا دی ئێرشی ئیرانێ بکەن دێ رەوشا دەڤەرێ ب گشتی تێک چیت.
