چین هۆشداریێ دده‌ته ناتۆ
ب، سه‌رجان مه‌حمود:
په‌یڤدارێ وه‌زاره‌تا ده‌رڤه یا چینێ د داخۆیانیه‌كێ دا راگه‌هاند كو ئه‌مریكا و ناتۆ به‌رده‌وام كار بۆ تێكدان و دروستكرنا ئالۆزیان ل ئاسیا دكه‌ن و گۆت: (ناتۆ ئانكۆ هه‌ڤپه‌یمانیا ئه‌تلانتیك به‌رهه‌مێ سه‌رده‌مێ شه‌رێ ساره و ب تنێ خزمه‌تا دروستكرنا دو به‌ره‌كیێ ل جیهانێ دكه‌ت و د بن فه‌رمانا ده‌وله‌ته‌كی ب تنێ دایه و د ڤان سالێن دووماهیێ دا ناتۆ ب تنێ بۆ نیشادانا هێزا خوه و خرابكرنا ئارامیا ئاسیا بزاڤان دكه‌ت و كارێن وێ د ره‌وشا نها دا نه د به‌رژه‌وه‌ندیا ئارامیا جیهانێ دایه و هه‌ر بزاڤه‌كا ناتۆ دبیته ئه‌گه‌رێ دروستكرنا ئالۆزیان ل وه‌لاتێن ئاسیا و ئه‌و یه‌ك ژی ب چ ره‌نگه‌كێ ناهێته قه‌بوولكرن و دڤێت ناتۆ ده‌ستان ژ ئالۆزكرنا ره‌وشا وه‌لاتێن ئاسیا به‌رده‌ت، چونكو ژ به‌ر ده‌ستێوه‌ردانێن ناتۆ ره‌وشا گه‌له‌ك وه‌لاتێن ئاسیا تێك چوویه و هه‌لوه‌ستێ ناتۆ ب چو ره‌نگه‌كێ ژ ئالیێ مه ڤه ناهێته قه‌بوولكرن).
