چەندین پڕۆژە ل دەڤەرداریێن دهۆك و سێمێلێ دێ هێنە بجهئینان
د چارچوڤێ بەرنامەیێ حوكمەتا هەرێما كوردستانێ دا ژ بۆ پێشكێشكرنا پڕۆژەیێن خزمەتگوزاری، د. عەلی تەتەر، پارێزگارێ دهۆكێ هەژمارەكا پڕۆژەیێن نوو و پێدڤی یێن خزمەتگوزاری ب گوژمێ شەش ملیار و 200 ملیون دیناران بۆ هەردو دەڤەرداریێن سێمێلێ و دهۆكێ رەوانەی بجهئینانێ كرن.
دیسا ل رۆژا 3/10/2024 و د چارچوڤێ بەردەوامیدان ب گەهاندنا پڕۆژەیێن خزمەتگوزاری ب چاڤدێریا د. عەلی تەتەر، پارێزگارێ دهۆكێ بەرێ بنیاتی بۆ ڤان پڕۆژەیان هاتە دانان:-
1- چێكرنا پرەكا پەیادە ل جاددەیا بارزان ل نێزیك قوتابخانەیا سەرۆك.
2- چێكرنا پرەكا پەیادە ل جاددەیا 30 متری ل نێزیك قوتابخانەیا عشق.
3- چێكرنا پرەكا پیادە ل جاددەیا 100متری ل تاخێ گەڤەڕكێ.
4- چێكرن و ڤەكرنا چەندین جاددەیێن ناڤخوەیی ل سنوورێ باژێرڤانیا رۆژهەلات ل باژێرێ دهۆكێ.
هەموو پرۆژە ل سەر بودجا تایبەت یا پارێزگەها دهۆكێ ب گوژمێ (946) ملیۆن دیناران دێ هێنە چێكرن.
