چەندین پڕۆژە و ئامویرێن ساخلەمیێ بۆ بەردەڕەشێ دێ هێنە دابینكرن
رەمەزان زەكەریا:
پشتی بزاڤ و دووڤچوونێن بەردەوام یێن ئەندامێن جڤاتا نوونەرێن ئیراقێ، وەزارەتا ساخلەمیا هەرێما كوردستانێ رازیبوون ل سەر دابینكرنا چەندین پێدڤیێن گرنگ بۆ نەخۆشخانە و بنگەیێن ساخلەمیێ ل بەردەڕەشێ دیار كر.
ل دووڤ داخوازی و سەرەدانا هەر ئێك ژ ئەندامێن جڤاتا نوونەرێن ئیراقێ ئەندازیار پەروین ئەكرەم گۆران و كەوێ میرۆ بەرگارەیی بۆ لایێ وەزیرێ ساخلەمیێ، دكتۆر سامان بەرزنجی بڕیار هاتەدان، كو كۆمەكا پڕۆژەیێن ستراتیژی ل دەڤەرێ بهێنە بجهئینان.
ئەو پڕۆژە و ئامیرێن كو بڕیارە بهێنە دابینكرن، پێك دهێن ژ: ئاڤاكرنا نهۆمێ دویێ یێ نەخۆشخانێ بۆ زێدەكرنا جهێ نەخۆشان، دابینكرنا ئامیرێ تیشكێ یێ پێشكەفتی (CT-Scan) كو پێدڤیەكا سەرەكی یا دەڤەرێ یە، ئاڤاكرنا هۆلەكا تایبەت و نوو یا ژ دایكبوونێ، دابینكرنا دو ئەمبولانسێن نوو بۆ نەخۆشخانەیا هەوارهاتنا بەردەڕەشێ و دابینكرنا نۆشدارێن بسپۆر ب مەبەستا ڤەكرنا هۆلا نەشتەرگەریێ ل نەخۆشخانەیا هەوارهاتنێ.
