ڕاپۆرته‌ك ل سه‌ر هشكه‌سالیێ دێ هێته به‌لاڤكرن
ئه‌ڤرۆ:
بڕیاره ل چه‌ند رۆژێن داهاتی وه‌زاره‌تا چاندن و ژێده‌رێن ئاڤێ یا حوكمه‌تا هه‌رێما كوردستانێ راپۆرته‌كێ ل دۆر ره‌وشا هشكه‌سالیێ به‌لاڤ بكه‌ت و هۆشداریێ ژی ل دۆر هشكبوونا هه‌ژماره‌كا گوندێن هه‌رێما كوردستانێ دده‌ت و مه‌ترسیا هشكبوونێ ل سه‌ر گه‌له‌ك ده‌ڤه‌را ژی یا هه‌ی.
ژێده‌ره‌كی ل وه‌زاره‌تا چاندن و ژێده‌رێن ئاڤێ یا حوكمه‌تا هه‌رێما كوردستانێ بۆ ئاژانسا خانی دیار كر، ل چه‌ند رۆژێن داهاتی رێڤه‌به‌ریا گشتیا ژێده‌رێن ئاڤێ دێ راپۆرته‌كا هوور و زانستی ل دۆر ره‌وشا هشكه‌سالیێ به‌لاڤ كه‌ت و هووركاریێن كاریگه‌رێن كێم بارینا بارانان د ئه‌ڤ ساله دا ل سه‌ر ئاڤا هه‌رێما كوردستانێ دێ هێنه دیاركرن، هه‌موو ده‌ڤه‌رێن هه‌رێما كوردستانێ د وێ راپۆرتێ دا ل به‌رچاڤ هاتینه وه‌رگرتن و رێژا ئاڤێ و كێمیا بارانێ ژی دێ هێته دیاركرن.
وی ژێده‌ری گۆتژی: “هه‌ژمارا وان گوندێن تووشی هشكه‌سالیێ بووین و ئه‌و ده‌ڤه‌ر و گوندێن مه‌ترسیا هشكه‌سالیێ ژی ل سه‌ر هه‌ی د وێ راپۆرتێ دا دێ هێنه دیاركرن، هه‌روه‌سا چاره‌سه‌ریێن بله‌ز دێ بۆ هێنه دیاركرن، راپۆرت دێ بیته بنه‌مایێ كاركرنا حوكمه‌تێ بۆ به‌رهنگاربوونا هیشكه‌سالیێ ل هه‌رێما كوردستانێ”.
