ڕاگرتنا پەترۆلا كوردستانێ 500 هزار بەرمیل د بازارێن جیهانێدا كێمكرینە
ئەمیر ئەترووشی
بۆ دەمێ سالەكێیە حوكمەتا عیراقێ هنارتنا پەترۆلا هەرێما كوردستانێ بۆ بازارێن جیهانێ ڕاگرتی، ڤێ چەندێ ژی ب نێزیكی 11 ملیار دۆلاران زیان ب داهاتی گەهاندینە. ڕاگرتنا هنارتنا پەترۆلا هەرێمێ ژبلی كو زیان ب بودجە و ژێرخانەیا عیراقێ و هەرێما كوردستانێ گەهاندییە، بوویە ئەگەرێ كێمبوونا نێزیكی 500 هزار بەرمیلان د بازارێن جیهانێدا.
ل 25ی ئادارا 2023ێ، هنارتنا پەترۆلا هەرێما كوردستانێ ب ڕێیا بەندەرێ جەیهان یێ توركیا هاتە ڕاگرتن، بەغدا، هەولێر و ئەنقەرە مژوولی دانوستاندنانە بۆ دووبارە هنارتنا پەترۆلا هەرێما كوردستانێ، ڕاگرتنا هنارتنا پەترۆلا هەرێمێ ژبلی كو زیان ب بودجە و ژێرخانەیا عیراقێ و هەرێما كوردستانێ گەهاندییە، بوویە ئەگەرێ كێمبوونا نێزیكی 500 هزار بەرمیلان د بازارێن جیهانێدا.
كۆمپانیێن نێڤدەولەتیێن بیاڤێ پەترۆلێ ل هەرێما كوردستانێ، حكومەتا عیراقێ ب هندێ تومەتبار دكەن، سەرباری كو بۆریا پەترۆلێ یا ئامادەیە، لێ وێ نەڤێت هنارتنا پەترۆلا هەرێما كوردستانێ دەستپێبكەت.
ژ ئالیەكێ دووڤە، وەزارەتا دارایی داخوازا لیستا مووچەی و پلەبلندكرنێ ژ وەزارەتان دكەت. وەزارەتا دارایی یا حوكمەتا هەرێما كوردستانێ ژی داخواز ژ وەزارەت و فەرمانگەهان كر دگەل لیستا مووچەی، لیستا پلەی بلندكرنا فەرمانبەران ئامادەبكەن و بۆ وەزارەتا دارایی ڕەوانە بكەن.
ئاوات شیخ جەناب، وەزیرێ دارایی و ئابووریێ حكومەتا هەرێما كوردستانێ ڕاگەهاند، دگەل لیستەیا مووچەی فەرمانبەران بۆ هەیڤا ئادارێ لیستا پلەبلندكرنا فەرمانبەران ئامادەبكەن و ل دەمەكێ گونجای ئاراستەی وەزارەتا داراییا حكومەتا هەریما كوردستانێ بكەن.
محممەد عەبدولقادر، ڕیڤەبەرێ گشتیێ ژمێركاری ل وەزارەتا دارایی و ئابووری یا حكومەتا هەرێمێ گوت: ئەو چاڤەرێنە ل ڤێ حەفتیێ پارەیێ مایی بۆ مووچەی بهنێرن و دەست ب بەلاڤكرنێ بكەین.
