ڕۆژا جیهانی یا نەهێلانا توندوتیژیا سێكسی د ناڤبەرا شەڕ و هەڤڕكـیان دا هاتە ساخكـرن
دلڤین رەشید:
ب هەلكەفتا ڕۆژا جیهانی یا نەهێلانا توندوتیژیا سێكسی د ناڤبەرا شەڕ و هەڤڕكیان دا، دوهی 17/6/2026 ب هەڤكاری ل گەل جڤاتا بلند یا خانمان و گەشەپێدانێ ل حكومەتا هەرێما كورسدتانێ، ل سەنتەرێ كۆنفرانسان ل زانكۆیا دهۆك، ڕۆژا جیهانی یا نەهێلانا توندوتیژیا سێكسی د ناڤبەرا شەڕ و هەڤڕكیان دا هاتە ساخكرن.
د ڕێورەسمان دا هەر ئێك ژ د. داود سلێمان ئەترووشی، سەرۆكێ زانكۆیا دهۆك، د. خانزاد ئەحمەد، ئەمیندارا گشتی یا جڤاتا بلند یا خانمان و گەشەپێدانێ ل حكومەتا هەرێما كوردستانێ و ماجد سەید سالح، جێگرێ پارێزگارێ دهۆكێ پەیڤێن خۆ پێشكێشكرن.
سەرۆكێ زانكۆیا دهۆك د پەیڤا خۆ دا گۆت: «ئەڤرۆ ئەم ل ڤێرە كۆمبووینە، نە ب تنێ بۆ ساخكرنا ڕۆژەكا جیهانی، بەلكو بۆ ڕاوەستان لسەر ئێك ژ ب ئازارترین لاپەرێن دیرۆكا هەڤجەرخ یا دەڤەرا مە، ل ژێر ناڤێ «بیرئینانا جینۆسایدا ئێزدیان: ژ دانپێدانێ بەر ب شیانپێدانێ، دادپەروەری و چارەسەریێن بەردەوام».
