ڕەفتارێن هندەک کەسان ژ چاڤان و سحرێ خرابترن
ڕۆژین ئامێدی
ڕاهێنەرەکا گەشەپێدانا مرۆڤی د دیدارەکێ دا بۆ ڕۆژنامەیا ئەڤرۆ دیار کر کو چاڤ و سحر گەلەک جاران بتنێ بەهانەنە بۆ ڕەڤینێ ژ ڕاستیێ و گۆت؛ مێشکێ ساخلەم و نەرمکرنا ڕەفتاران، کلیلێن ڕاستەقینەنە بۆ گۆهوڕینا ژیانێ و ئاڤاکرنا جڤاکەکێ ساخلەم.
ڕاهێنەرا گەشەپێدانا مرۆڤی ڕۆژین ئامێدی د دیدارەکێ دا بۆ ڕۆژنامەیا ئەڤرۆ گۆت؛ مخابن ئەم یێن د سەردەمەکێ دا دژین، هەر کەسەک دەمێ تووشی ئاریشەیەکێ ببیت یان د کارەکێ دا سەرنەکەڤیت، ئێکسەر دێ بێژن هندەكان چاڤ یێن ل مە داین یان ژی سحر یا ل مە هاتیە کرن.
ڕوژینێ ئاماژە ب وێ چەندێ ژی کر کو ئەڤ چەندە یا دوورە ژ ڕاستیێ، چونکی کەسێ لاواز و دەستکورت یێ کو نەشێت ئاریشەیێن خۆ چارەسەر بکەت ل ساناهیترین ڕێیا ڕەڤینێ دگەڕیت، ئەو ژی بەهانەیێن چاڤینکرنێ و سحرێ نە داکو شاشی و لاوازیێن خۆ پێ ڤەشێریت.
ڕاهێنەرا گەشەپێدانا مرۆڤی گۆتژی؛ ئەو ڕەفتارێن هندەك کەس دکەن ژ چاڤینکرنێ و سحرێ خرابترن، ئانکو ئاخفتن و ڕەفتارن کەسان ژێکڤە دکەن و مالان وێران دکەن و گۆت؛ هەبوونا ژیانەکا خۆش یان نەخۆش یا گرێدایە ب کار و کریارێن مرۆڤیڤە.
ڕوژینا ئامێدی د بەپدەوامیا ئاخفتنێن خۆدا گۆت؛ ئەگەر مرۆڤ ئەزمان و ئاخفتنێن خۆ نەرم بکەت و ڕەفتارێن خۆ جوان بکەت، و ب مەژیەکێ ساخلەم و ب سینگەکێ بەرفرەهـ چارەسەریا ئاریشەیێن خۆ بکەت، دێ ژیانا مرۆڤی ب تەمامی هێتە گۆهۆڕین.
