ڕەوشەنبیرییا وەرزشی

ڕەوشەنبیرییا وەرزشی

1

ئەلند مزووری

یارییا فوتبۆلێ ئێک ژ یاریێن جەماوەری جیهانی یێن بناڤودەنگە، ڕۆژ بۆ ڕۆژێ حەزژێکەر و بینەرێن وێ زۆرتر لێدهێن، دشێین بێژین هەمی قۆرنەتێن جیهانێ نێزیکی ئێک کرینە و خەلک و حەزژێکەرێن وێ ب جۆش ۆ خرۆشەکا مەزن پێڤە هاتینە گرێدان، ئەڤ یارییە دخواستە هندەک رفتار و رەوشتێن جوان و ئەرێنی چ ژلایێ یاریزانان ڤە بهێتە پراکتیزەکرن یان تەماشەڤان و هاندەران ڤە بیت.
ژلایێ تەماشاڤان و هاندەران ڤە:
دڤێت پشتەڤانییەکا جوان ب گیانەکێ ئاڤا و ب ڕەوشتەکێ بەرز و بلند ب گیانەکێ وەرزشی رێزگرتنێ ل رکابەرێن یانا خۆ و دادڤانا بگرن، هەر وەسا رێزێ ل یاریگەهێ بگرن و جکەسەک نەچیتە دناڤا یاریگەهێدا و چ کەرستەکی یان بەرمایکەکی نەهاڤێنە دیاریگەهێدا، ئانکۆ دیاریزانێن رکابەرێن یانەیا خۆ نەوەرکەن، ڕێزێ ل بریار و دیتنێن دادوران و لیژنا دادوەری بگرن.
ژلایێ یاریزانان ڤە:
دەما یاریزان دگەهتە ناڤا یاریگەهێ دا دڤێت یێ برێک و پێک و ئامادەبیت بۆ یاریێ، ژلایێ ساخلەمی و شیانێن جەستەیێ یێ بەرهەڤ بیت بۆ یاریێ و ب کارامەیی و ب گیانەکێ وەرزشیانە یاریێ بکەت و یاریەکا پاقژ و بێ هنگافتن و تۆندی و تیژیێ بکارنەئینیت، ڕفتارێن جوان ئەنجام بدەن و رێزێ ل ڕکابەرێن خۆ بگرن هەر وەسا رێزێ ل بریارێن دادڤانان بگرن ل دەمێ دانا هەر بریارەکێ ژلایێ دادڤانی ڤە چۆنکە ئەو بریاردەرێ مەیدانێ یە، دڤێت هەر یاریزانەک ل جهێ خۆ براوەستیت وەک ڕێزگرتن ل بریایارا دادڤانی هەتا کۆ ئەڤ بریارە ب دووماهی دئێت.
وەرزش بوویە هەلگرا پەیاما گیانێ وەرزشی، ئەرێ ئەڤ گیانێ هە ل دەڤ وەرزشڤان و بینەر و جەماوەرێ مە یێ وەرزشی هەیە یان نە؟ ئەڤە دبیتە جهێ پرسیارێ، چۆنکە چەندین بوویەرێن وەرزشی دناڤ وەرزشا مە یا کوردی دا هاتینە دیتن بووینە جهێ دلگرانیێ و بەروڤاژی ڤێ پەیامێ، بتایبەت دناڤا دهەڤرکیێن یاریێن یانەیێن مە یێن کوردستانی دا، هەر دەم ئالۆزی و بهەڤچوون و تۆند و تیژی هاتیە یە دیتن، لەورا بچەند گۆتنێەکێن فەر ب دیارکرنا چەند خالێن دویر ژڤێ ڕەوشەنبیریێ دەمە دیارکرن بۆ هەر لایەکی.
هندەک ئەتەکێت هەنە دڤێت بهێنە پەیرەوکرن د ناڤا یاریگەهان دا، چ ژلایێ یاریزانا ڤە بیت یان یێ تەاشەڤانان ڤە بیت، ب مخابنی ڤە دبێژم کۆ مە بینەر و پشتەڤانێن دورست یێن وەرزشی نینین، بینەرێ مە نەشیایە خۆ گونجاندنێ دگەل بۆیەران بکەت و هەر دەم د لۆتکا هەلچوون و کارڤدانایە، بمخابنی ڤە دبێژم چەندین ڤیدیوو هاتنە دیتن ڕۆیەکێ کرێت یێ وەرزشا مە نیشان ددەن، بێرێزکرنا ئێک و دوو و بکارئینانا تۆند وتیژیێ، تێکدانا یاریگەهان هندەک بوویەر بچاڤ هاتینە دیتن کۆ کورسێین یاریگەها گەهشتینە دناڤ جادان دا، نموونەکا زیقکورسیەکا یاریگەها شەعب یا یاریا دووماهیێ یا دهۆک و زاخۆ گەهشتیە دهۆکێ؟ و زێدەباری وان شەر و هەڤچوونێن دناڤ و ژدەرڤەی یاریگەهێ.
هاتیە گۆتن کۆ ئیدارا یاریگەهێ نەهێلایە ئاڤێ ببەنا دناڤا یاریگەهێ دا، ئەڤ خالە لسەری هاتیە بەحسکرن بێ گومانی ئەو بەتل هەمی دا هێنە هاڤێتن بۆ دناڤ گۆرەپانا یاریێ دا، دشێم بێژم کۆ ئەڤ چەندە بوویە ئەگەر، لەورا دخوازم ڤێ پەیامێ بگەینم ئیدارا یانێن کوردستانی هەمیان و بتایبەت یانا دهۆک، کۆ خاستیە سکالەیەکێ دژی ڤێ چەندێ تۆرمار بکەن، دبینم هەر سکالەیەکا بهێتە تۆمارکرن دێ ئەنجامێن بەروڤاژی هەبن، هیڤیە ببینە خودان بینەرەکێ وەرزشی یێ خۆدان ئاستەکێ بلند ژ ڕەوشەنبیریا بینەریێ، مەرەم ژ بینەریا وەرزشێ ئەوە مرۆڤ چێژێ و خۆشیێ ژێ وەربگریت نەکۆ بەرو ڤاژی.

کۆمێنتا تە