ژبه‌ر گه‌نده‌لیێ یۆڤانتۆس ب تۆندی هاته سزادان
ئه‌ڤرۆ:
دادگه‌ها فیدرالی یا ئیتالیا بڕیاردا یانه‌یا یۆڤانتۆس ب تۆندی بهێته سزادان ب كێمكرنا خالان و سێ به‌رپرسێن وێ ژی هاتنه گونه‌هباركرن ژبه‌ر بابه‌تێ گه‌نده‌لیا دارایی.
ل دووڤ تۆرا سكای سپۆرت كو دادگه‌ها فیدرالی ل ئیتالیا سزادانا یانه‌یا ئیتالیا ب كێمكرنا 15 خالان ل سه‌رجه‌مێ گشتی یێ كۆمكری د خولێ دا و هه‌روه‌سان راوه‌ستانا هه‌ر ئێك ژ ئه‌ندرێیا ئانێلی سه‌رۆكێ یانێ و ئاریڤابینی رێڤه‌به‌رێ تیمێ و فابیۆ باراتێسی رێڤه‌به‌رێ به‌رێ یێ تیمێ و یێ نوكه ل تۆتنهاما ئنگلێزی بۆ ماوه‌یێ دو سالان و دوورخستنا وان ژ هه‌ر كاره‌كێ وه‌رزشی، دیسان دورخستنا باڤێل نێدڤێد جێگرێ سه‌رۆكێ یانێ بۆ ماوێ هه‌شت هه‌یڤان، ئه‌ڤ بڕیاره هاته دان پشتی كۆمكرنا هه‌موو به‌لگه‌یێن گرێدایی ب بابه‌تێ كه‌یسا گه‌نده‌لیا قازانجكرنا داهاته‌كێ گۆمان لێكری و كۆمكرنا وێ بشێوه‌كێ نه یاسایی، ژلایه‌كێ دووڤه تومه‌تا ب هه‌شت یانه‌یێن دی ڤه هاته هه‌لوه‌شاندن بێ هه‌بوونا چو به‌لگه‌یان، بڤێ چه‌ندێ یانه‌یا یۆڤانتۆس ئه‌وا ب 37خالان رێزا سێیێ بوو پاشڤه چوو رێزا ده‌هێ ب 22 خالان، ژلایێ خوه‌ڤه یانه‌یا یۆڤانتۆس به‌ر ب دادگه‌ها ئۆلمپی یا یاسایا وه‌رزشی چوویه ژبۆ ڕه‌دكرنا بڕیارێن دادگه‌ها فیدرالێ.
