ژن، ژان و ژیانن
مونا عەبدولسلام
ژن نیڤا جڤاكی پێك دئینیت د گەلەك كاودانان ژی دا سێ پشك یان جڤاكێ تمام پێك دئینیت، دەمێ ئەم بەحسی ژنێ دكەین ئەم بەحس ل خوە و دایك و خالەت و مەت و دەوروبەرێن خوە دكەین، گەلەك جاران ئەم دبێژین ئەگەر ژن یا باش بیت ژیانە و ئەگەر یا خراب بیت ژانە، مەرەم ژ ڤێ گۆتنێ چییە و بۆچی وە گۆتییە، ئەگەر ئەم بەرێ خوە ب دەینێ كی یە د بنیات و هەبوونا مەدا هەر ژ دەسپێكێ مە فێردكەت بگرە ژ ئاخفتن و خوارن و ل بەركرنا جلوبەرگان و هەتا دووماهیێ هەموو ژنە دایكێن مەنە یان ئەمین، لێ بۆچی ژانە و بۆچی ژیانە، ئەگەر تۆ وەك هەڤژین ئەو كەسا د هەلبژێری و دكەیە دایكا زارۆكێن خوە كەسەكا باش و تێگەهشتی و زانا بیت ژ هەموو لایەنێن ژیانێ ڤە ئەڤە تۆ دێ ژیانێ پێشكێشی خوە و زارۆكێن خوە و مالا خوە كەی، گەلەك جاران مەزن دبئژن (مال ژنە و بنیات خانی)مەرەم ژڤێ گوتنێ ئەوە بنیات هەر خانی و ئاڤاهی یە، لێ مال ژنە، بۆچی مال ژنە؟ هەر ژنە زارۆكان دئینتە دونیایێ و پەروەردەدكەت و فێردكەت دێ چەوا ژین و دێ چەوا ب سەركەڤن، دێ چەوا خوە لبەر كاودانێن جیاواز یێن ژیانێ گرن، دێ چەوا بنە زارۆكێن سەركەفتی و سەربلند جڤاك و مللەتێ خوە ئاڤاكەن و پێش ئێخن، هەر ژنە مالێ دگریت كارگێر و ئابوور و رێڤەبەر و رێكخەرا مالێ یە هاریكارە بۆ هەڤژینێ خوە و بارێ ژیانێ یێ ب زەحمەت و گران ل سەر ملان سڤك دكەت و ملێ خوە ددەتە دگەل ملێ هەڤژینێ خوە، لێ هندەك جاران ئەڤ هەر ئەڤ ژنە دبنە ژان ئەگەر مرۆڤ ژانەكێ بۆ خوە و مالا خوە بینیت ئەرێ تۆ هزر دكەی ئەڤە دێ چەوا بیتە هەڤژینەكا باش یان دایكەكا باش یان كابانی و بەرمالییەكا باش یان دێ هندەك زارۆكێن ساخلەم ژ لایێ مێشكی و پەروەردەێ ڤە بۆ جڤاكەكێ ساخلەم بەرهەڤكەت، یان ژی ئەڤ ئەڤ هەڤژینە دێ بیتە ژان بۆ هەڤژین و زارۆك و مال و جڤاكێ خوە، ئەڤجا گەلەك یا گرنگە دەمێ گەنج د هەلبژارتنا هەڤالێ بۆ ژییانا خوە بزانیت ژانە یان ژیانە؟
