ژنه‌ك ل دهۆكێ دهێته كوشتن
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ پۆليسێن پارێزگه‌ها دهۆكێ راگه‌هاند كو ژنه‌ك ئه‌ڤرۆ ل دهۆكێ هاتيه كوشتن و دو كه‌س ب تومه‌تا كوشتنا وێ هاتينه ده‌سته‌سه‌ركرن.
نه‌قيبێ مافپه‌روه‌ر هێمن سلێمان، به‌رپرسێ په‌يوه‌ندى و راگه‌هاندێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز دياركر كو ئه‌و ئه‌ڤرۆ رۆژا سێشه‌مبى رێكه‌فتى 7\10 ل سه‌ر كوشتنا ژنه‌كا 22 سالى كو ئاكنجيا كه‌له‌كچى يه هاتينه ئاگه‌هدار كرن.
نه‌قيبێ مافپه‌روه‌ر گۆت: “ل دووڤ پێزانينێن مه ژن ب گۆله‌يێ ده‌بانجا توركى هاتيه كوشتن و نه‌هاتيه زانين ژى كا هژمارا گوله‌يێن لێداين چه‌نده و ته‌رمێ وى بۆ نوشدياريا داد ل دهۆكێ هاتيه ره‌وانه‌كرن”.
هێمن سلێمان گۆتژى: “دو كه‌سێن نێزيكى ژنا هاتيه كوشتن هاتينه ده‌سته‌سه‌كرن و بڕياره ڤه‌كۆلين ب گۆره‌ى ماددێ 406 يێ قانوونا سزايێن عيراقى ل گه‌ل بهێته كرن”.
ل دۆر ئه‌گه‌رێ كوشتنێ ژى دا زانين كو ئه‌و پێشبينى دكه‌ن كو ئه‌و ژن ژ ئه‌گه‌رێ كێشه‌كا جڤاكى هاتبيته كوشتن بێى كو ناڤێ وێ ديار بكه‌ت يان يێ ئه‌و كه‌سێن ب ته‌مه‌تا كوشتنا وێ هاتينه ده‌سته‌سه‌ركرن.
