ژنەكا وێرەك
زوهێر كورەماركی
ئەڤرۆكە پیرس و شرین
ئارارات و هندرین
گارە و مەتین
بۆ تە ژدل گرین
رۆندك ببەژنا واندا
بوونە جۆبار و خوین
خەملێن خۆ ئێخستن
سەرێن خۆ ڤەچڕین
دەرگەهێن سەیرانا گرتن
خەم و زێمار ژەنین
گۆتن: هەوار
ژنەكا ئازا و شێر
پڕ زانین و فێر
خودانا قەلەمەكێ چەلەنگ و ب وێر
كو ب پەیڤێن خۆ
ئاشتی و ئازادی و مرۆڤایەتی
دكرە رستە و سەردێر
هێشتا ژ خەبات و تێكۆشانێ
نەبووی تێر
زەڤیا خەون و هیڤیێن نەدورین
خەرمانا ئارمانجێن خۆ نەكریە بێر
ژ مەیدانا هزر و پێنووسا باركر
دل ژ كۆڤانا پەنگییا
رەشاتی لبەر خۆ كر
هۆ گەردیێ..
خاتوینا لمەیدانا ئازادیێ
باش بزانە نامری و تو نەمری
تو لئاسمانێ كوردایەتیێ
یا بوویە هەیڤ و ستێر
ئەرێ هەیڤ و ستێر؟
