ژڤانێ یاریا ئێكێ یا پلەی ئۆڤ هاتە دیار كرن
ئەڤرۆ
ئێكەتیا باسكێت بۆلا ئیراقێ رۆژا سێ شەمبیا بهێت ژڤانێ یاریا ئێكێ یا تیما یانەیا زاخۆ د قۆناغا پلەیی ئۆڤ دا دەست نیشانكر ئەوا دێ بشێوەیێ پێنچ یاری ب ئەنجامدانا سێ یاریان ل هۆلا گرتیا شەعب یا نێڤدەولەتی ل بەغدا هێتە كرن.
ل دووڤ سیستەمێ خولا ئیراقێ یا پلا نایاب چار یانە دەربازبنە قۆناغا پلەیی ئۆڤ، تیما ئێكێ دێ سێ یاریان دگەل هژمارتنا دو یاریێن خولێ بەرانبەر تیما چارێ بیت كو ئەڤ یاریە دناڤبەرا یانەیا نەفت خودانا رێزا ئێكێ و یانەیا زاخۆ خودانا رێزا چارێ بیت و سەرجەمێ هەرپێنچ یاریان ئەو تیما زێدەتر سەركەفتنان بینت دێ دەربازبیتە یاریا دووماهیێ، هەردو یانەیێن شورتە خودانا رێزا دویێ و حەشد ئەلشەعبی یا رێزا سێیێ دێ بۆ پلێتا دووماهیێ شەڕی كەن، بۆ زانین تیما نەفتێ بتنێ د هەر پێنچ وەرزێن بۆری دا ناسناڤێ خولا ئیراقێ ل دووڤ ئێك ب دەستڤە ئینایە.
تیما زاخۆ دەربازبوو قۆناغا پلەیی ئۆڤ و چارگۆشەیا زێرین پشتی 16 سەركەفتن بەرانبەر حەفت خوسارەتی تۆماركرین ل رێزا چارێ دهێت ب38 خالان دگەل زێدەكرنا خالەكا تیما تازەپێكەهشتیان بوویە 39 خال ب هەڤپشكی دگەل یانەیێن نەفت، شورتە و حەشدا شەعبی دەربازبوویە كو دبیتە جارا ئێكێ د دیرۆكا خوە دا تیما زاخۆ بگەهیتە ڤێ قۆناغێ.
بۆ زانین تیما یانەیا دهۆك پشتی پێنچ ناسناڤێن خولا ئیراقێ هەر ژ وەرزێ 2011 هەتا 2015 دەستڤە ئینایی ئەڤە دێ بیتە هەشت سال خوە ژ پشكداریێن خولێ ڤەكێشایی ب بوهانا قەیرانا دارایی.
