ژڤانێ دەست نیشانکرنا باشترین وەرزشڤانێ سالێ یێ پارێزگەھا دھۆکێ دیاربوو
ئەڤرۆ،ھەژار مەعروف:
ب چاڤدێریا پارێزگەھێ دھۆکێ د.فەرھاد ئەمین بریارە ل رۆژا پێنج شەمبیا بھێت ل ھولا ئوتێلا ریکسوس باشترین وەرزشڤانێ سالێ یێ پارێزگەھا دھۆکێ بھێتە ھەلبژارتن پشتی ل ماوێ بوری لژنەیەک ھاتیە دروستکرن ژلایێ نووێنەریا لژنەیا ئولومپی یا پارێزگەھا دھۆکێ.
دکتور حمەد قاسم سەروکێ نووێنەریا لژنەیا ئولومپی یا دھۆکێ گوت: ماوەکێ درێژە کار دکەین ل سەر ڤی پروژەی و ھەر چەندە ئەڤ پروژە گیرو بوو ژی لێ ئارمانجا مە ب ڤێ گیروبوونێ ڤە بتنێ بوو وێ چەندێ بوو ئەم بشێن ب باشترین شێوەی وەرزشڤانێن خوە خەلات بکەین ئەگەر چو ئەگەرێن دی یێن دی نەبوون و ھەردیسان ئەڤ پروژە ب سەرپەرشتیا نووێنەریا لژنەیا ئولومپیا دھۆکێ بوو ھەردیسان ب چاڤدێریا پارێزگەھێ دھۆکێ ھاتیە ئەنجام دان.
ھەژی گوتنێ یە بتنێ ٥٠ کەسان ماڤ ھەیە بۆ دەنگدانێ ل سەر ھەلبژارتنا باشترین وەرزشڤانێ سالێ یێ ٢٠١٥ ل سەر ئاستێ کچ و کور کو ئەوژی پێکھاتی نە ژ رۆژنامەڤان و ھژمارەکا وەرزشڤان و سەروکێن ئێکەتیێن وەرزشی ل پارێزگەھا دھۆکێ.
