ژڤان سه‌عید: راگه‌هاندن پتر وه‌كو حه‌زه‌كێ یه و پێدڤی ب باوه‌رنامێ نینه
ئاكرێ، گوهدار سلێمان:
مه‌دیاكار (ژڤان سه‌عید) د دیداره‌كێ دا بۆ رۆژناما ئه‌ڤرۆ دبێژیت: هه‌رچه‌نده به‌ری چه‌ند سالان من حه‌زا كارنێ د بۆارێ راگه‌هاندنێ دا هه‌بوو، لێ ده‌لیڤه نه‌بوو هه‌تا به‌ری ساله‌كی ژنوو من ده‌ستپێكر و راگه‌هاندنێ گه‌له‌ك تشت داینه من و ئه‌ز گه‌له‌ك پێش ئێخستیمه و وه‌ل من كریه پتر تێكهه‌لی ره‌وش و ژیانا خه‌لكی ببم ژێ بزانم، ِراگه‌هاندن ژی وه‌كی هه‌ر كاره‌كێ دی پیشه‌یه ود نوكه دا دبینم د راگه‌هاندنێ دا چ جوداهیه‌كا هوسا نه‌مایه د ناڤبه‌را ره‌گه‌زان دا به‌رامبه‌ر سالێن بۆری و ب چاڤه‌كێ ڤه‌كری ته‌ماشه‌ی راگه‌هاندنێ دكه‌ن و وه‌ك پیشه دبینن.
هێشتا گۆت: هه‌تا نوكه ئه‌ز د كارێ خوه دا تووشی چه‌ند نه‌خۆشی و ئاسته‌نگان بوویمه، لێ ئه‌ز چ جاران هزر د هێلانا كاری دا ناكه‌م و دڤێت مرۆڤ یێ خوه راگربیت و ب دیتنا من سۆشیال میدیایێ هه‌موو جڤاك ل خوه كومكریه و گه‌له‌ك كاریگه‌ری ل كارێ ڕاگه‌هاندنێ ژی كریه، چونكو ب زووترین ده‌م و د ماوه‌یه‌كێ كێم دا روودانان دگه‌هینیت. و ئه‌ز دبینم نه مه‌رجه راگه‌هاندكار كه‌سه‌كێ ئه‌كادیمی بیت، چنكو كارێ راگه‌هاندنێ پتر وه‌كو حه‌زه‌كێ یه و پێدڤی ب باوه‌رنامان نینه، به‌لكو راگه‌هاندن وێره‌كی و ئاخفتن و حه‌زه، به‌لێ ئه‌كادمیه‌ت د هه‌ر كاره‌كێ دا یا گرنگه.
