ژیلوان شیا جهێ خوه د ناڤ پێكهاتێ هوڤناهیم دا بكه‌ت
ئه‌ڤرۆ نیوز، هه‌ژار مه‌عروف:
پشتى بهێن ڤره‌هیه‌كا درێژ ل وه‌رزێ ئه‌ڤ ساله ل گه‌ل یانا خوه هوفنهایم 1889 د خولا بوندس لیگا یا ته‌پا پێ یا ئه‌لمانى دا كرى و ناڤێ وى دور بوو ژ لیسته‌یا یاریێن تیمێ یێن ئه‌ڤ ساله د خولێ دا ، ستێرا كورد و خه‌لكێ باژێرێ رانیه ژیلوان حه‌مه‌د پشتى بورینا 10 حه‌فتیان د یاریا ڤێ گه‌رێ ل گه‌ل تیما خوه وه‌كو یاریكه‌ره‌كێ پێگهور هاته دناڤ یاریێ دا ببو جهێ دلخوشحالیا هه‌موو پشته‌ڤانێن یانێ و شیابوو ئاسته‌كێ بلند ل گه‌ل یانا خوه پێشكێش بكه‌ت.
ژیلوان حه‌مه‌د كو ئه‌وێ د یاریا ئه‌ڤرۆ دا وه‌كو پێگهور كرى كو ل دقیقا 75 هاتیه دناڤ یاریێ دا شیا چه‌ندین مه‌ترسیا ل سه‌ر تیما مونشنگلادباخ په‌یدا بكه‌ت و گه‌له‌ك ده‌رفه‌تا دا خوه نێزیكى گولا تیما به‌رامبه‌ر كر و چه‌ندین مالپه‌رێن ئه‌لمانى ئاماژه ب وێ چه‌ندێ كر بوو پشتى ژیلوان هاتیه دناڤ یاریێ دا ئاستێ تیما هوفنهایم باشتر لێ هات بوو، مه‌ترسى پتر ل سه‌ر گولا تیما هه‌ڤرك توماركرین ب پێگهوره‌كێ سه‌ركه‌فتى دانابوو ل مالپه‌رێن وه‌رزشى یێن ئه‌لمانى و بێژه‌رێ ڤێ یاریێ ژێ ل كه‌نالێ بى ئین سپور یێ عه‌ره‌بى ئاماژه ب وێ چه‌ندێ كر كو ژیلوان كورده خه‌لكێ هه‌رێما كوردستانا عیراقێ یه
.
ژیلوان حه‌مه‌د كو ل وه‌رزێ بورى هه‌ڤبه‌ستا خوه ل گه‌ل یانا هوفنهایم ئیمزاكر بوو ل وه‌رزێ ئه‌ڤ ساله ده‌رفه‌تا وى گه‌له‌ك یا كێم بوو ل دور پشكداریا وى د یاریا ئه‌ڤرۆ دا پشتى یاریێ د په‌یوه‌ندیه‌كا ته‌له‌فونى دا ژ ئه‌لمانیا بوو مالپه‌رێ ئه‌ڤرۆ نیوز گوت:ئه‌ز چاڤه‌رێ ڤێ ده‌رفه‌تێ بووم كو ئه‌ز یێ ب ئومێد بووم دێ راهێنه‌ر ده‌رفه‌تێ ده‌ته من ژبه‌ركو من خوه گه‌له‌ك ماندى دكر د یه‌كێن راهێنانى دا و سوپاس بوو خودێ شیام ل جارێكا دووماهیێ دا ئاسته‌كێ باش پێكشێش بكه‌م و دێ خوه پتر ماندى كه‌م بوو یاریێن بهێت.
دهێته زانین د یاریا ئه‌ڤرۆ دا تیما بروسیا مونشنگلادباخ سه‌ركه‌فتن ل سه‌ر هوفناهیم توماركر ب سێ گولان به‌رامبه‌ر گوله‌كێ كو تیما هوفنهایم نوكه ل رێزا چوارێ یه دخولا بوندس لیگا یا ئه‌لمانى كێمتر 3 خالان ژ هه‌ردو تیمێن رێزا دوێ و سێ.