ژێده‌ره‌كێ مووسل مزگه‌فتا تاخێ ته‌یه‌ران هاتیه (TNT) كرن
ئه‌ڤرۆ نیۆز، بارزان سلێمان:
ژێده‌ره‌كێ پارتى دیموكراتى كوردستان بۆ ئه‌ڤرۆ نیۆز راگه‌هاند، رێكخراوا ئه‌فسه‌رێن ئازاد ل ناڤه‌ندا باژێرێ مووسلێ هێرش كرنه سه‌ر باره‌گایێ چه‌كدارێن تیرۆریێن داعشێ ل تاخێ بیر حلو د ئه‌جامێ وێ هێرشێ دا تیرۆرستێن داعشێ باره‌گایێن خوه چولكرن و ره‌ڤین، و چه‌كه‌كێ زۆر یێ سڤك كه‌فتیه دده‌ستێن رێكخراوا ئه‌فسه‌رێن ئازاد دا، كو ژوان ئارپیجى و قه‌ناس و 3000 فیشه‌كێن جوار و جور بوون.
به‌رپرسێ لقا 14 یێ مووسل عسمه‌ت ره‌جه‌ب هه‌روه‌سا دوپاتكر، رێكخراوا ئه‌فسه‌رێن ئازاد هێرشه‌كا دى كرنه سه‌ر ترۆمبێله‌كا داعشێ ژ جورێ هه‌مه‌ر ل تاخێ ئه‌لعزبه ل رۆژئاڤایێ باژێرێ مووسل و ژماره‌كا چه‌كدارێن داعشێ كوشتن.
به‌رپرسێ لقا 14 دیاركر، ژئالیه‌كێ دیڤه 3 چه‌كدارێن داعشێ ل تاخێ به‌رید ل رۆژهه‌لاتا باژێرێ مووسل هاتینه كوشتن ل سه‌ر ده‌ستێن ئه‌فسه‌رێن ئازاد.
عسمه‌ت ره‌جه‌ب هه‌روه‌سا گۆت: چه‌كدارێن داعشێ مزگه‌فتا تاخێ ته‌یه‌ران ده‌رگه‌هێن وى گرتن و مزگه‌فت هه‌موو هاتیه (TNT) كو به‌رهه‌ڤكریه بۆ په‌قاندنى و سه‌ده‌ما وێ په‌قاندنێ ل گۆڕ دیتنا داعشیان بۆ هه‌بوونا قه‌برێ كه‌سه‌كێ دناڤ وێ مزگه‌فتێ دا هاتیه بن ئاخ كرن.
