ژ به‌ر ڤی ئه‌گه‌ری نابیت ئایفۆن 14 ل كۆلۆمپیا بهێته فرۆتن
ئه‌ڤرۆ:
پشتی به‌لاڤبوونا ئایفۆنا نوو، وه‌لالتێ كۆلۆمپیا ب فه‌رمی راگه‌هاند كو ئه‌و رێ ناده‌ت ئه‌و ئامیرێن كۆمپانیا ئه‌پل بچنه د ناڤ وی وه‌لاتی دا.
ئه‌گه‌رێ سه‌ره‌كی یێ رێ نه‌دان ب فرۆتنا ئامیرێن ئه‌پل ل وی وه‌لاتی ئه‌وه كو نابیت چو ئامیرێن وێ یێن ب ته‌كنۆلۆژیا 5G بكه‌ڤنه د بازاری دا ل گه‌ل وێ ئاریشا ل گه‌ل كۆمپانیا ئه‌ریكسون.
ئه‌گه‌رێن ڤێ ئاریشێ بۆ وێ چه‌ندێ د ڤه‌گه‌رن كو كۆمپانیا سویدی خودانا داهێنان و دانانا 5G یه ل وی وه‌لاتی هه‌ر ژ مێژوویا 2019ێ هه‌تا 2037ێ.
دا كو كۆمپانیا ئه‌مریكی بشێت ئایفۆنێن خوه ل وی وه‌لاتی ب فرۆشیت، پێدڤیه بهایێ ده‌ستنیشانكری یێ ب كارئینانا 5G بده‌ته كۆمپانیا سویدی و ئه‌و ژی دبێژن كو گه‌له‌ك یێ ب بهایه.
هه‌تا ئه‌ڤ ئاریشه چاره دبیت، كۆمپانیا ئه‌پل نه‌شێت ئامیرێن خوه یێن ئایفۆن ل سه‌ر سیسته‌مێ 5G یان ژی ئایپاد ب فرۆشیت. دادگه‌ها مه‌ده‌نی یا 043 یا باژێرێ بوگاتا راگه‌هاند كو هه‌ردو ئامیرێن ئایفۆن و ئایپاد دكه‌ڤنه به‌ر ده‌ستووریا داهێنانێ یا كۆمپانیا ئه‌ریكسون یا ژماره NC2019/0003681 كو ل سالا 2019ێ ب ده‌ست خوه ڤه ئینایه.
ل دووڤ ڤێ بڕیارا دادگه‌هێ، كۆمپانیا ئه‌پل نه‌شێت چو ئامیرێن خوه یێن 5G ل وی وه‌لاتی ب فرۆشیت، دیسا نابیت چو ریكلامان ژی ل وی وه‌لاتێ باشوورێ ئه‌مریكا بكه‌ت. چو ریكلامێن ئه‌ڤ ئامیره ژی تێدا دهێنه نیشاندان.
حوكمه‌تا كۆلۆمپیا داخواز ژ بازرگاێن كت و كۆم كریه كو ب چو ره‌نگان كرین و فرۆتنێ ب ڤان ئامیران نه‌كه‌ن هه‌كه دێ كه‌ڤنه به‌ر سزایێن گه‌له‌ك دژوار.
هه‌تا نها ژی وه‌لاتێ كۆلۆمپیا دیار نه‌كریه كا هه‌تا چو ژڤان نابیت چو ئامیرێن ئایفۆنێ یێ ل سه‌ر نفشێ پێنجێ كار دكه‌ن ل ناڤ وه‌لاتێ وان بهێنه فرۆتن.
