ژ بەر سیاسەتا خوە تورکیا ١٠٠ ملیار دولاران خوسارەت بوویە
ئەڤرۆ نیوز:
رۆژنامەیەکا تورکی دیارکر سیاسەتا سەروکێ تورکیا رەجەب تەیب ئەردوگان و حزبا داد و گەشەپێدانێ یا خەلەت ل عیراقێ و سووریا و لیبیا تورکیا ب ١٠٠ ملیار دولاران خوسارەت کریە.
رۆژنامەیا ئەحوال یا تورکی زێدەتر دیارکریە پشتەڤانیا ئەنقەرە بۆ ھێزێن ئیسلامی یێن توندرەو ئەنجامێن وێ بەروڤاژی ھاتن تایبەت ل وەلاتێ لیبیا پشی ب دزی ڤە کوژمێ ٣٠٠ ملیۆن دولاران بۆ جڤاتا نشتیمانی یا بەروەخت ھنارتین و بویە جھێ نەرازیبونێ، دیسان ئەنقەرە پشتەڤانیا ھێزێن ئیسلامی یێن توندرەو پشتی سەرھلدانا شەرێ نافخوی ل لیبیا بوویە ئەگەر بەلێندەر و سەرمایەدارێن تورکی بھێنە دورخستن کو ھژمارا وان د گەھیتە ٦٠٠ کومپانیان و بەلێندەران.
ل سەر ئاستێ عیراقێ و سووریا ژی سیاسەتا تورکیا یا خەلەت ب ٢٠ ملیار دولاران خوسارەت کریە د ماوێ حەفت سالان ژ بازرگانیێ و ھنارتنێ پشتی پشتەڤنیا خوە بۆ ھێزێن سونی ھنارتین زێدەباری ڤێ چەندێ ژی ئەوان کوژمێ ٣٣ ملیار دولار ل پەنابەرێن سووری مەزاختینە پشتی ئەڤ کوژمە ژلایێ ئەردوگانی ڤە ھاتینە ئاشکرا کرن د کومبوونا G٢٠ ئەوا ل وەلاتێ ئەرژەنتین ھاتیە گرێدان.
