کار بۆ ئاڤاکرنا پارتەکا نوو دکەت
سەرۆکێ بەرێ یێ پارتا کۆماریا گەل دیار کر، پیلانەکا مەزن ل دژی پارتا کۆماری هاتە گێران و رێز ل دەنگ و ئیرادەیا گەلێ تورکیا نەهاتە گرتن و هەرچەندە هێشتا ئەو وەکو سەرۆکێ فراکسیۆنا پارتا کۆماری کار دکەت لێ پێدڤیا وان ب ئاڤاکرنا هێزەکا نوو یا سیاسی ل تورکیا هەیە کو بشێت ب نێرینەکا نوو یا سیاسی کار بۆ وەرگرتنا دەستهەلاتێ ل تورکیا بکەت.
ئۆزگور ئۆزەل ئەو یەک ژی دیار کر، هێزەکا نوو یا سیاسی دڤێت بهێتە ئاڤاکرن دا بشێت نوونەراتیا گەلێ تورکیا بکەت و ئەو یەک دێ بیتە دەستپێکەکا نوو بۆ هەموو تورکیا.
دەمەکە ل تورکیا بەحسێ ئاڤاکرنا پارتەکا نوو یا سیاسی ژ ئالیێ سەرۆکێ بەرێ یێ پارتا کۆماریا گەل ڤە دهێتە کرن و پڕانیا جەماوەرێن وێ پارتیێ ژی وەسا دبینن کو سەرۆکێ نها یێ پارتا وان ئانکۆ کەمال کلچدار ئۆغلۆ ئێدی بوویە پشکەک ژ ئاکپارتیێ و نوونەراتیا هێزا سەرەکی یا ئۆپۆزسیۆنێ ناکەت.
