کازم ساھر دەیندارێ پەرێ یە
ئەڤرۆ:
وەلاتیەکێ گوندێ گریشێ کو سەر ب دەڤەرا نەھلێ ڤەیە، بۆ ئەڤرۆ دیارکر کو دسالێن ھەشتێیاندا ھونەرمەند (کازم ساھر) ماموستا بوو ل گوندێ وان، ل وی دەمێ ژنەکا وی گوندی ھندەک پارە ب دەین دابوونە وی، لێ ھەتا نوکە کازمی پارێن وی نەزڤراندیە.
تەتەرحەجی سەلیم گۆت: ل وی سەردەمی بابێ من بەردەستک بوو ل وێ قوتابخانێ، لەورا ھندەک جاران ئەز پێش ویڤە دچوومە قوتابخانێ، ژنەک ل وێرێ ھەبوو کو ناڤێ (پەرێ) بوو، ئەو ژی خەلکا وی گوندی بوو، ل وی دەمی ھندەک پارە ب دەین دابوونە کازمی ساھری، پشتی دەمەکی کازم ھاتە ڤەگوھاستن و پارێن وێ ژنێ مانە ل دەف و ھەتا نوکە ژی بۆ نەزڤراندینە، بۆ زانین ھەتا نوکە ژی ئەو ژن یا ساخە و ھەر ل وی گوندی دژیت.
