کوردەک نێزیکی ئیمزاکرنا یانەکا تایلەندی بووی یە
ئەڤرۆ نیوز، ھەژار مەعروف:
یاریکەرێ کورد و یانا نورشبینگ یا سویدی قارەمانا خۆلا سوید یا وەرزێ بوری راویژ لاوان فەرھاد نێزیکی ئیمزاکرنا ھەڤبەستا یانەکا تایلەندی بووی یە .
ل دۆر ڤی بیاڤی یاریکەرێ ناڤبری د پەیوەندیەکا تەلەفونی دا ل وەلاتێ سوید بۆ مالپەرێ ئەڤرۆ نیوز دیارکر نوکە چەند ھەڤبەست ل بەر دەستێ وی نە ل وەلاتێ دانیمارک و سوید و ھەردیسان ژ خۆلا تایلەند ژی.
راویژ ئاماژە ب وێ چەندێ ژی کر ئەو ژ ھەمی ھەڤبەستێن ل بەر دەستێ وی پتر نێزیکی ئیمزاکرنا ھەڤبەستا یانا Nakhon Ratchasima F.C یا تایلەندی یە ھەتارادەکێ مەزن گەھشتی نە رێککەفتنێ و ھەردیسان یانا دالکورد یا سویدی ژی داخوازی ژی کری یە لێ کوژمێ ھەڤبەستا یانا تایلەندی گەلەک ژ وێ ھەڤبەستێ بلندترە ھەکە یانا دالکورد نیڤا وێ ھەڤبەستێ ژی پێشکێشی وی بکەن ئەو یێ بەرھەڤە یاریێ ل سوید یاریێ بکەت تایبەت یانا دالکورد.
ل دور پێزانین کەفتینە بەر دەستێ مالپەرێ ئەڤرۆ نیوز یاریکەرێ ناڤبری ھەڤبەستا وی د گەھیتە نێزیکی ٢٠٠ ھەزار دولارێن ئەمریکی.