کومسیوونێ ناڤێ ئەڤێ لیستێ دناڤ قەوارێن سیاسی دا بو ھەلبژاردنێن داھاتی دەرئینا
ئەڤرۆ نیۆز،عەزیز ھەورامی:
ئەڤرۆ کومسیوونا بلند یا ھەلبژاردن و راپرسیێ ناڤێن ئەوان قەوارێن سیاسی د لیستەکێ دا بەلاڤکر کو دێ د ھەلبژاردنێن داھاتیێن ھەرێما کوردستانێ دا پشکداربن بەلی َناڤێ لیستا بزوتنەوەیا ئیسلامی تێدا نینە و ئەگەر ژی دزڤریت بو پارەی.
سەلام کەریم بەرپرسێ دەزگەھێ ھەڵبژاردنان یا بزوتنەوەیا ئیسلامی بو ئەڤرۆ نیوز گۆت: (ئەڤرۆ کومسویونا بلند یا ھەلبژاردن و راپرسیێ لیستەکا ناڤێن قەوارێن سیاسی بو ھەلبژاردنێن داھاتی یێن ھەرێما کوردستانێ بەلاڤکر بەلێ ب لێبورین ڤە ناڤێ لیستا بزوتنەوەیا ئیسلامی تێدا نەبوو ، کومسیوونێ ھوسا ھزرکریە کو بزوتنەوەیا ئیسلامی نکارییت پشکداریێ د ھەلبژاردنان دا بکەت ،بەلێ ئەم ھەموو دەزگەھێن راگەھاندنێ و ئەندامێن خوە ئاگەھدار دکەین کو ھەر ژ دەستپێکێ مە ناڤێ خوە نڤیسایە و ھەموو پێرابونێن قانونی ژی مە گرتینە بەر ، تنی َمە نەشیا د دەما خوە دا پارێ کومسویونێ بدەینێ بەرامبەر پشکداریا د ھەلبژاردنان دا )
زێدەتر گۆت: ( بەلێ ئەم ھەموو لایەکێ پشتراست دکەین کو ھەفتیا بھێت دێ ناڤێ لیستا مە ژلایێ کومسویونێ ھێتە تومارکرن ، بەلی َدڤێت د بەرامبەر دا ٥٠ ملیون دینار بھێنەدان بەرامبەر تومارکرنا ناڤێ لیستێ و رۆژا ئێکشەمبی ئەم ژی دێ پارەی دەین)
