کوژمەکێ پارەی دێ بیتە رێگر د رێیا ئێکگرتنا گارە و دھۆکێ دا
ئەڤرۆ، محەمەد عەلی:
بۆ ماوێ دو حەفتیە بەحسی بابەتێ ئێگرتنا یانا گارە دگەل یانا دھۆک ھاتیە کرن دناڤ ناڤەندا وەرزشی دا ھاتیە کرن، سەرەرایی چەندین کۆمبوونێن جودا دناڤبەرا ھەردو یانا ژلایەکی و یانا گارە و لاینێن پەیوەندار ژلایەکێ دیڤە لێ ھەتا نوکە چو پێنگاڤێن فەرمی نە ھاتینە راگەھاندن وچارەنڤیسێ یانا گارە ئێکلا نەبوویە. لدویڤ ژێدەرێن باوەرپێکری یێن نێزیک ژ یانا گارە ھوسا دەنە دیارکرن کو بزاڤێن دھێنەکرن ژبۆ ئێکلاکرنا ڤی بابەتی و پێنگاڤێن ھاتینە ھاڤێتن، لێ ئاریشا مەزن یا یانێ ئەو قەرێن گران لسەر کو نێزیکی ٢٠٠ ملیۆن دیناران و دڤیت بھێتە چارەسەرکرن بەری بریارا ئێگرتنا وێ دگەل یانا دھۆک بھێـتە کرن و دیارکر کو دێ ھندەک پێنگاڤێن دی ھاڤێژن و دگەل بەرپرسێن پەیوەندیدار کۆمبن ژبۆ چارەسەکرنا وێ. ھەمان ژێدەری ئەوچەندە ژی دازانین کو ئەگەر بابەتێ قەرا نەھاتە چارەسەرکرن دێ گەلەک ب زەحمەت بیت یانا گارە بھێتە گرێدان دگەل یانا دھۆکێ سەرەرایی گارە چو مەرج لسەر یانا دھۆک نە داناینە ژبۆ پێکڤەگرێدانا قەرێن وان دگەل یێن دھۆکێ بەلکۆ ئەو قەرێن خوە چارەسەربکەت ژبۆ ھندێ بارێ یانا دھۆک گران نەکەن. دھێتە زانین ھەردو یانێن گارە و دھۆک ل وەرزێ بۆری د پلا نایابا کوردستانێ یا تەپاپێ پاشڤە زڤری بوونە پلا ئێک ئەوا قەیرانا دارایی کارتیکرن لسەر برێڤەبرنا چالاکیێن وان کرین