کۆمێنت دەربڕینە ژ ئاستێ پەروەردەیا مرۆڤی
هەولێر، قائید میرۆ:
سهرپهرشتیارهكێ پهروهردەیی بۆ ڕۆژنامەیا ئەڤرۆ دیار کر، كۆمێنتا مرۆڤی خۆدیكا كهسایهتی و ئاستێ رهوشنبیریا مرۆڤیه و گۆت؛ ئهز پێشنیار دكهم پشكا پۆلیسێن تاوانێن ئهلكترۆنی بهێته بهێزكرن و ب رێیا دهزگههێن راگههاندنێ و پهروهردێ خهلك بهێته هشیاركرن.
محهمهد بوسكانی، سهرپهرشتیارێ پهروهردەیی دیار كر، تۆڕێن جڤاكی مهیدانهكا ڤهكرینه ههتا کو مرۆڤ رۆژانه بشێت بۆچوون و هزرێن خۆ تێدا پارڤە بکەت، سوشیال میدیا دهرگهههكه بۆ دانوستانێن شارستانی و لههڤ گۆهاڕتنا بۆچوونان دگهل نڤیسهران و گۆت؛
بهلێ گرنگه ل بیرا مه بیت ههر كۆمێنتهكا مرۆڤ بۆ كهسهكی دنڤیسیت پشكهكه ژ خۆدیكا كهسایهتی و ئاستێ پهروهردا مرۆڤی.
محەمەد گۆتژی؛ بهری مرۆڤ كۆمێنتهكێ بۆ ئێكی بنڤیسیت پێدڤیە هزرا خۆ تێدا بكهت و ئهڤان پرسیارا ژ خۆ بكهت، ئهو كهسێ مرۆڤ كۆمێنتێ بۆ دكهت ئهگهر بهرامبهر مرۆڤی بیت دێ شێت ههمان تشت بێژیتێ، ئهگهر بهرسڤا ته نهخێره ئهڤه نڤیسینا كۆمێنتێ نه یا ههژیه و دچیته چوارچوڤێ خراب بكارئینانا تۆڕێن جڤاكی دا،
سهرپهرشتیارێ پهروهردەیی د بەردەوامیا ئاخفتنێن خۆدا دیار کر، كۆمێنتا نه ههژی یا مهترسیداره، ژبهركو دهمێ كهسهك ههست بڤێ چهندێ دكهت چ سنور نین و بێی سزایێن قانوونی سفكاتیێ بكهت، ئەڤە كاریگهریێن نهرێنی لسهر جڤاكی و تاكی پهیدا دكهت و زیانێن دهروونی دێ ههبن بۆ ئەو كهسێ سفكاتی ههمبهر دهێنه كرن و دێ قهلهق بو چێبیت و تووشی خهمۆكیێ بیت و گۆت؛ ههروهسا ژلایێ جڤاكیڤە دێ بیته ئهگهرێ پهیدابوونا ئاریشهیێن جڤاكی و خێزانی، ب دیتنا من دهمێ سفكاتی زێده دبیت دانوستانێن شارستانی و بۆچوونێن جیاواز دهێنه خهندقاندن.
محهمهد بوسكانی دا زانین، ئهو كهسێن پرۆفایلێن فهیك بڕێڤهدبهن تامێ ژ سفكاتیكرنێ دبینن، ژ ئهگهرێ لاوازی و نهبوونا هشیاریێ ژ دهر ئهنجامێن قانوونی و جڤاكی، یان دهمێ ژێر كاریگهریا تۆڕهیی دانه بێی كو هزر د ئهنجاماندا بكهن كۆمێنتا دنڤیسن.
سهرپهرشتیارێ پهروهردەیی دیار کر ژی، دڤێت ب هشیارانه سهرهدهری دگهل وان كهسان بهێتهكرن یێن كۆمێنتێن نهجوان دنڤیسن، بڤی ڕەنگی پێدڤیە بهێنه پشتگوهـ هاڤێتن و بەرسڤا وان نەهێتە دان، ههروهسا بهێنه سنوردار كرن، ئەڤجا ب رێیا بلۆككرنێ بیت یان ریپۆرتكرنێ ههتا ژلایێ كۆمپانیێن تۆڕێن جڤاكی بهێنه سزادان و گۆت؛ یانژی ب رێیا قانوونێ سكالا لسهر بهێته تۆماركرن ب تۆمهتا خراب بكارئینانا ئامیرێن گههاندنێ.
محهمهد بوسكانی پشنیار کر و گۆت؛ پێدڤیه پشكا پۆلیسێن تاوانێن ئهلكترۆنی بهێته بهێزكرن و ب رێیا دهزگههێن راگههاندنێ و پهروهردێ خهلك بهێته هشیاركرن ژلایێ قانوونیڤه.
