کی دێ بیتە سەرۆک کۆمارێ نوو یێ ئیرانێ
رۆژا 28 ڤێ مەهێ دێ هەلبژارتنێن سەرۆک کۆماریێ ل ئیرانێ هێنە کرن و چاڤدێرێن سیاسی ژی وەسا دبینن هەر یەک ژ سەعید جەلیلی و مەسعود پزیشکیان دێ پتر ژ بەربژارێن دی دەنگی بەن و هەروەسا هەکە چو گوهۆڕین د هەلوەستێ رێبەرێ شۆرەشا ئیسلامی یا ئیرانێ دا روو نەدەت دبیت سەعید جەلیلی ببیتە سەرۆک کۆمارێ نوو یێ ئیرانێ، چونکی کەسەک نێزیکی عەلی خامنەیی رێبەرێ شۆرەشا ئیسلامی یا ئیرانێ یە.
دهێتە زانین پشتی مرنا سەرۆک کۆمارێ بەرێ یێ ئیرانێ ل گۆر دستوورێ وی وەلاتی دڤێت د دەمێ 50 رۆژان دا سەرۆک کۆمارەک نوو بهێتە هەلبژارتن و ژ بەر ڤێ یەکێ ژی رۆژا ئەینیێ ئانکۆ 28 ڤێ مەهێ دێ هەلبژارتنێن سەرۆک کۆماریێ ل ئیرانێ هێنە کرن کو نها شەش کەسان خوە بۆ وی پۆستی بەربژار کرینە.
