گرتنا تەنگا بابولمەندەب ئاریشەیێن دارایی و ئابووری زێدەتر لێ دكەن
رەمزی سیسۆ
حوسیێن یەمەنێ ل دوماهیێ شیان كۆنترولا تەمامەتی لسەر تەنگەیا بابولمەندەب بكەن و ئەڤ چەندەژی نیگەرانی و د دلی ل دەف دەولەتێن كەنداڤی و دەولەتا ئیسرائیل، مسر، ئەمریكا و ل وەڵاتێن رۆژئاڤا پەیدا كر، هەتا نۆكە ژی هەلوەستێ فەرمی یێن حوسیێن یەمەنێ دیار نەبوویە كو دێ تەنگەیا بابولمەندەب هێتە گرتن یان ناهێتە گرتن، ژبەركو ئەڤ چەندە مەزنترین كارتا فشارێ یە ل بن دەستهەلاتا حوسییان دا و سەركەفتنا حوسییان د گرتنا بابولمەندەبی دا دهێتە دیتن و دزڤریت كو ئیران سەركەفتی بوویە د هاندان و پشتەڤانیا حوسییان دا، ژبەركو ئیران لایەن سەركەفتی بوو د پێشڤە چوون و كارلێكرنا حوسییان دا.
تاكە چەك د دەستێ حوسییان دا چەكێ ئیرانێ یە، ب بۆچوونا من هەردەمی ئیرانێ ڤیا بابولمەندەبێ بگریت، دێ ئەڤ تەنگەیە ب دەر دێ تەنگایا هورمز بت و كلیلا ڤی تەنگی دێ ب بریارا ئیرانێ بیت ژبەركو ئەڤ جەنگە زێدەتر سیمایێ مەزهەبی لێ دیارە. و دەولەتا سعودیە تووشی مەزنترین شكەستنا خوە بوویە و د مێژوویا دامەزڕاندنا خۆدا، ژبەركو نەچەكێ ئەمریكی و خەرجنەكرنا ملیاران دۆلارێن خوە ل یەمەنێ نەشیا رێگریێ چەكدارێن حوسییان بكەت، هەروەسا سەنگا سعوودیە هاتیە لاوازكرن و نۆكە خەلكێ سعودیە د ترسەكا مەزندایە ژبەر چەكدارێن حوسییان.
وەكۆ چاڤدێرەكێ سیاسی دبینم ژبەر دو ئەگەران سعوودیە تووشی ڤێ شكەستنێ بوو، ئێك: نەپشتەڤانیا ئەمریكا بۆ سعوودیە، ژبەركو سعوودیە د ماوێ بۆری دا ل گەل پاكستان و توركیا ڕێكەفتنەكا ئەمنی و بازرگانی ئیمزا كربوو ئەڤ چەندە ژی ( نە خاست و حەزێن ئەمریكا بوو ) ؟
دوو: ناكۆكی و دوو بەرەكی دناڤبەرا ئیماڕات و سعودیە بۆ پشتەڤانیكرنا ناكوكی و ناڤبەر سعودیە و ئیماڕاتێ دا هەرئێك ژلایێ خوەڤە پشتەڤانیا گروپەكێ دكر دناڤ حكۆمەتا یەمەنیێ دا
تشتەكێ گرنگ دڤێت بزانن ئەگەر حوسیێن یەمەنێ نەكەفتنە دبن فەرمانێن رژێما كۆماریا ئیسلامیا ئیرانێ دا ل وی دەمی دێ سەنگا خوە ل دەف ئەمریكا و وەڵاتێن ررۆژئاڤا زڤرینت و ئەڤ چەندەژی دێ بیت ئەگەرێ كۆ هەلویستێن وەڵاتان بەرامبەر حوسیێن یەمەنێ بهێت گهورین و مەزنترین زیان ل شەرێ ئەمریكا و ئیرانێ دا بەر ب ئابوورا دەولەتێن كەنداڤ كەفت و هەرژ دەستپێكا شەرێ ئیسرائیل و ئەمریكا و لدژی ئیرانێ ودیسان ئیران شیا ڤی جەنگی بكەت جەنگێ ئابووری و دەستێ خوە درێژ بكەت بۆ گرتنا تەنگەیا هۆرمز و ئەگەر دنۆكەدا تەنگەیا بابلمەندەب بهێتە گرتن قەبارێ قەیرانێن ئابووری دبینم دێ مەترسیدارتر بن ژبەری نۆكە و ب بوچوونامن ئەمریكا دێ چاڤەرێ هەلویستێ حوسییان بیت تا چ ڕادەیەك دێ لژێر فەرمانێن ئیرانێ كاركەن ئەز وەسا دبینم حوسیێن یەمەنێ ناخازن تەنگەیا بالمەندەب دابخن ژبەرك ئەو دزانن ڤی كاری ئەنجام بدەن دێ ئەمریكا جەنگێ مەزن بەرامبەر ئەوان ڕاگەهینت و هەلویستێ ئەمریكا بەرامبەر حوسییان جورە نەرماتیەك پێڤە دیارە بێ گۆمان حوسیێن یەمەنێ ناخازن ئەمریكا بهێت ناڤ شەری دا ل دژی ئەوان و بەرو ڤاژی ئەمریكاژی ناخازیت بەرەیەكێ دی یێ جەنگی ل دژی حوسییان ئەنجام بدەت چۆنكە ئارمانجا سەرەكی یا ئەمریكا(( ئیرانە )) ژبەر هندێ ئەمریكا د نۆكەدا بێ هەلویستی هەلبژارتیە ئەمریكا دبینت شەرێ سعودیە لگەل حوسییان چ پەیوەندی ب وێڤە نینە و هەروەسا حوسییان چ گەمارویا دەریایی نەئێخستیە سەر تەنگەیا بابلمەندەب و ئەڤچەندە ژی چ بهانەیەكێ نادتە ئەمریكا كۆ هێرش بكەت سەر حوسیێن یەمەنێ
و ب بووچوونا من سعودیە دڤێت حوسیێن یەمەنێ تەنگەیا بالمەندەب بگریت ژبۆ هندێ كۆ ئەمریكا و ناتۆ و دگەل دەولەتێن كەنداڤ جەنگی ل دژی حوسییان بكەن وەكۆ چوون سالا ١٩٩٠ هەڤپەیمانی ل دژی سەدام حوسێنی ل كوێتی پیكئێنایی و سەدام ژ كۆێتی ب شەكەستن دەرێخستی .
