گرتنا پارێزه‌ران بۆ خێزانێن شه‌هیدان گه‌له‌كا گرنگه
ژ ئه‌نجامێ وێ هێرشا ژ بال چه‌كدارێن داعشێ یا ب ناڤێ ده‌وله‌تا ئیسلامی ل عێراق و شامێ كوردستان روو ب روو شه‌ڕه‌كێ گران ب كارتێكرنه‌كا نێگه‌تیڤ ل سه‌ر هه‌می وارێن ژیانێ كرن و بوو ئه‌گه‌رێ وێ چه‌ندی كو گه‌له‌ك كه‌س بوونه شه‌هید و جانێ خوه كره قوربانی ئا خ و وه‌لاتی دا كو ئه‌م ب ته‌ناهی و ئارامی بژین.
هه‌لبه‌ت ب ده‌ركرنا هنده‌ك بریاران ژ بال په‌رله‌مێنتۆیا كوردستانێ ڤه ده‌رباره‌یی وان كه‌سێن د پێناڤا پاراستنا گه‌ل و وه‌لاتی دا شه‌هید دبن پێنگاڤه‌كا ئه‌رێنی بوویه مینا لێبۆرین ژ په‌خشینا هه‌ڤژینێ و خانووبه‌ران هه‌كه وه‌رگرت بیت و دیسا ب دانا دو پله‌یێن سه‌ربازی هه‌ر چه‌نده چ بۆ كه‌سوكارێن شه‌هیدان بێته كرن ناهێته هه‌مبه‌ری دلۆپه‌كا خوینا شه‌هیدێ لێ كرن باشتره نه‌كرنێ و دیسا هێشتا باشۆرێ كوردستانێ ژ به‌ر گه‌له‌ك رێگریێن سیاسی و نیڤده‌وله‌تی و كارتێكرنێن ئابووری و دیسا گرێدایی حوكمه‌تا ناڤه‌ندا عێراقێ یه ره‌نگه ئه‌ڤه هه‌می ببنه ئه‌گه‌رێن سه‌ره‌كی كو نه‌شێن ب تمامی خزمه‌تا كه‌سوكارێن شه‌هیدان بكه‌ن، لێ یا گه‌له‌ك گرنگ وه‌كی دیار پشتی ئه‌و قاره‌مانێن وه‌لاتی شه‌هید دبن تووشی گه‌له‌ك ئاسته‌نگان دبن ژبه‌ركو خێزانێن وان ره‌نگه ل ده‌مێ شه‌هیدبوونێ هه‌ڤژینێن وان ب دو گیان بن و گه‌له‌كا ژی ل ده‌مێ شه‌هیدبووی زارۆیێن وی چاڤێن خوه ل ژیانێ ڤه‌كرینه و گه‌له‌كان چ وه‌ك بیرهاتن یان ژی وه‌ك دابونه‌ریت ب ناڤێ شه‌هیدی ناڤكرینه هه‌كه كوڕبیت، یا دیاره خێزانێن شه‌هیدان ل ده‌مێ دروستكرنا هه‌ر مامه‌له‌یه‌كێ ل سازیێن حوكمه‌تێ پشتی ئه‌و كه‌سێ شه‌هید دهێته هه‌ژمارتن هه‌لبه‌ت ناڤێ دئێته مراندن یان ژی بێژین خۆیا دكه‌ن كو ل ژیانێ نه‌مایه ب رێڤه‌برنا مامه‌له‌یێن كه‌سوكارێن شه‌هیدان گه‌له‌ك جاران ئالۆزی و ئاسته‌نگێن یاسایی دكه‌ڤنه دپێشیا واندا و زۆربه‌یا وان ژی دشاره‌زا نینن و گه‌له‌ك جاران ژی ئه‌و مامه‌له‌یه ژبه‌ر ئه‌گه‌ر و رێگریێن یاسایی ب مه‌هان دئێنه گیرۆ كرن، ئه‌ڤجا ل ڤێره گه‌له‌كا گرنگه وه‌زاره‌تا پێشمه‌رگه‌یی هزرێ د ڤی بابه‌تی دا بكه‌ت و لێژنه‌یه‌كێ پێكبینت وه‌كو ژۆره‌كا تایبه‌ت یا پارێزه‌ران بۆ برێڤه‌برنا مامه‌له‌یێن كه‌سوكاروخێزانێن شه‌هیدان و تێچوویێ ڤێ ژۆرێ ژی ژكیستێ وه‌زراه‌تا پێشمه‌رگه‌یی بیت وه‌كو رێزگرتن بۆ وان كه‌سێن جانێ خوه كرینه قوربانی گه‌ل و وه‌لاتی دیسا زارۆ و كه‌سوكارێن وان هه‌ست ب وێ چه‌ندێ بكه‌ن و كو رێزه‌كا مه‌زن ل وان دئێته گرتن، چونكو دبیت مالا كه‌سه‌كێ ل دوورترین جه و ده‌ڤه‌ر بیت، لێ بۆ مامه‌له‌یه‌كێ قه‌ستا هه‌ولێرا پایته‌خت بكه‌ت ئه‌ڤ چه‌نده ژی دبیته بارگرانیه‌كا ئابووری و دلگرانیه‌ك بۆ كه‌سێن خودان شه‌هید ب ڤێ چه‌ندێ هه‌تا راده‌یه‌كێ باش دێ خزمه‌تا خودانێن شه‌هیدا ئێته كرن و هیڤیا مه ئه‌وه ئه‌و یه‌كه‌یه و فه‌رمانده‌یێن له‌شكه‌ری یێن ب سه‌ر وه‌زاره‌تا پێشمه‌رگه‌یی ڤه دووڤچوونه‌كێ د ڤی بیاڤی دا بكه‌ن.
