گرنگە ب رێكا سترانگۆتنێ كلتوور و زمانێ خۆ بپارێزین
دلڤین رەشید
سترانبێژێ گەنج (ئەلمان ئەمین) د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ گوندێ نسێری یە، خواندنا خۆ ل هەمان گوند ب دووماهی ئینایە، پاشی چوویە پەیمانگەها هونەرێن جوان/ پشكا مۆزیكێ و نوكە قوتابیە ل قوناغا سێیێ ل كولیژا پەیمانگەها هونەرێن جوان ل زانكۆیا دهۆك و دژیەكێ بچووك دا حەزا سترانگۆتنێ ل دەف هەبوویە.
ناڤهاتی گۆت: برایێ من كارتێكرن ل من كریە، ژبەركو وی ئامیرێ تەمبوورێ د ژەنی و ئەو پشتەڤانەكێ مەزن بوو كو ئەز ببمە سترانبێژ، بۆ زانین ئەز پتر داخبارێ سترانێن فۆلكۆری مە، بەلێ نوكە سترانێن داوەت و شەهیانان ژی دبێژم و گەلەكا گرنگە ئەم وەك گەنجێن كورد ب رێكا سترانگۆتنێ كلتوور و زمانێ خۆ ب پارێزین، چونكو مە كوردان كلتوورەكی زەنگین هەیە و داخازێ ژ هەر گەنجەكی دكەم بەردەوام بزاڤان ژ بۆ ئارمانجێن خۆ بكەن داكو بشێن رێكا خۆ یا سەركەفتنێ مسۆگەر بكەن.
