گرۆپه‌كێ چیاڤانی ل ئامێدیێ هاته دانان
ئامێدیێ، مه‌حمود نهێلی:
گرۆپه‌كێ چیاڤانی ب ناڤێ (گرۆپێ چیاڤانێن ئامێدیێ) هاته چێكرن و گه‌شتا خوه یا ئێكێ بۆ چیایێ برادوست ده‌ستپێكر.
چرا ئیبراهیم، سه‌رپه‌رشتێ وی گرۆپی بۆ رۆژناما ئه‌ڤرۆ دیاركر كو ئه‌ڤه گرۆپێ ئێكێ یه ل ده‌ڤه‌را ناڤیری دهێته دانان و ئه‌ندامێن گرۆپی گه‌شتا خوه بۆ چیایێ برادوست ده‌ستپێكریه، كو بلنداهیا وی چیای 1850 مه‌ترن، و ئه‌وان د رۆژه‌كێ دا ده‌ربازكریه، بۆ زانین هه‌تا نوكه ژمارا ئه‌ندامێن مه بیست كه‌سن لێ ناڤ نڤیسین یا به‌رده‌وامه و رۆژانه چه‌ندین كور و كچ په‌یوه‌ندیێ ب گرۆپێ دكه‌ن و پشتی چیایێ برادروست دێ مه چه‌ندین گه‌شتێن دی هه‌بن و ب ناڤێ گرۆپی ئه‌م سوپاسیا لژنا ناوچا ئامێدیێ یا پارتی دكه‌ین كو د هاریكاربووینه د دانانا گرۆپی دا.
