گلێشخانە ل كێلیا شەدایێ دێ هێنە دانان
دهۆك، هێلین سالم:
كێلیا شەدا ئێك ژ جهێن دیار یێن گەشتیاریە و خەلكەكێ زۆر ژ هەمی دەڤەرێن كوردستانێ و باشوور و ناڤەراستا ئیراقێ سەرەدانا وی جهی دكەن، لێ خەلكی گازندە هەنە و دبێژێن: ئەم ژ پاقژییا وی د رازی نینین و چ حاویێن گلێشی لێ نین.
ئیسماعیل موستەفا، پەیڤدارێ باژێرڤانیا دهۆكێ بۆ رۆژناما ئەڤرۆ خویا كر، كێلیا شەدا بوویە جهەكێ گەشتیاری، ب تایبەت بۆ وان كەسێن كارێ چیاڤانیێ دكەن، تامەكا خوش ژێ دبینن و گۆت: «مە ل بنێ چیای گلێشخانە داناینە، د پلانا باژێرڤانیێ دایە، ل دەمەكێ نێزیك گلێشخانەیێن مەزن یێن گلێشی ل هەمی رێین بو كێلیێ دچن، بهێنە دانان، تابلۆیێن ئاگەهداریان بۆ دیاركرنا رێنمایان و هشیاركرنا وەلاتیان ژی بهێنە دانان، دیسا د پلانا باژێرڤانیێ دایە كشك و تەوالێتان بۆ گەشتیاران بهێنە دانان».
گۆتژی: «ئەم داخوازێ ژ وەلاتیان دكەین، پاقژییا چیای راگرن، چونكی راكرنا بەرمایكان یا ب زحمەتە و ئەو كارمەندێ ب پاقشكرنا وی جهی رادبیت، دبیت ژیانا وی بكەڤیتە د مەترسیێ دا».
