گولبەڕۆژێن گوندێ مە
شیان مەهدی کانیسارکی
ل سحاریا دوهی
وەکی هەر ڕۆژ
هەمی گول
ب کەیفخوەشی
ب دل خوەشی
ب ڕویکێن خوناڤی
بۆ من د گڕنژین و ڤەدبوون..
ل نیڤرۆیا دوهی
وەکی هەرجار
گولبەڕۆژێن گوندێ مە
ب سەربلندی
ل تاڤێ د گەڕیان
و دکەنین…
بێریێن گوندێ مە ژی
پشتی مەنجلۆکێن خوە
ژ شیرێ مهان پڕ کرین…
دگەل شڤانان
ب دزیڤە دکەفتنە لاقڕدەیان..
ل ئێڤاریا دوهی
ئێکەم جار بوو
ئەز ببینم،
گول نەڤەبووین،
ستۆیێ گولبەڕۆژێن
«خۆێریسکێ».. ژی
شۆڕ ببوو سەر ملێن وان
ئەز نزانم
ئەو، ڕۆژ بوو؟
نەخێر شەڤ بوو!
شەڤەکا شڕ،
ب کێلبێن دڕ،
ڕۆژا مه هنجنی،
گیا بەهی
ئێدی نە گولبەڕۆژ هشیاربوون
نە ژی ڤەبوون گول..
