گوهۆڕینێن وه‌زاره‌تا ناڤخوه‌یا عیراقێ قوبچه‌یه و قاته‌ك بۆ دهێته دورین
ئه‌ڤرۆ نیۆ:
ل سه‌ر رێنمایێن سه‌رۆك وه‌زرێن نوویێ عیرقا فیدرال حه‌یده‌ر عه‌بادى، گوهۆڕینێن وه‌زاره‌تا ناڤخوه‌یا عیراقێ ده‌سپێكرن.
ل دۆر ڤى بابه‌تى ئه‌نداما په‌رله‌مانێ عیراقێ حه‌نان فه‌تلاوى ل سه‌ر مالپه‌رێ تایبه‌تێ خوه یێ فیسبوكى به‌لاڤكریه، نه‌رازیبوونا خوه ل سه‌ر گوهۆڕینا بریكارێ وه‌زاره‌تا ناڤخوه‌یا عیراقێ عه‌دنان ئه‌لئوسدى دیاركریه و دبێژیت، هه‌موو تشته‌ك یێ رازیكرنێ یه د جوكمه‌تا رازیبوونێ دا، هه‌روه‌سا خوه‌یاكر، مه په‌یامى لادانا عه‌دنان ئه‌لئوسدى ژ پۆستێ بریكارێ وه‌زاره‌تا ناڤخوه‌یى بهیست، به‌لێ سپرایزا مه‌زن ئه‌و كو نوشداره‌ك ل جهێ وى هاتیه دانان.
حه‌نان فه‌تلاوى گۆت: په‌یوه‌ندیا نوشدارى ب وه‌زاره‌تا ناڤخوه‌یى ڤه چیه، هه‌كه عه‌دنان ئه‌لئوسدى هاریكارێ نوشدارى بیت؟!، هه‌روه‌سا د بپرسیت ئه‌رێ گوهۆڕین ئه‌وه كو ژ قووناغا هاریكارێ نوشدارى بۆ نوشدارى بچین.
هه‌روه‌سا فه‌تلاوى ئاشكراكر، هه‌كه مه‌ره‌م ژ لادانا عه‌دنان ئه‌لئوسدى گوهوڕین بیت، چه‌وا هاتیه هاتیه دامه‌زراندن وه‌ك شیرتكارێ ئێمناهیا سه‌رۆك وه‌زیران؟!.
حه‌نانێ هه‌وره‌سا گۆت: وه‌دیاره گوهۆرینێن وه‌زاره‌تێ قوپچه‌یه و قاتته‌ك بۆ دڤێت بهێته دورین.
هه‌ژى گۆتنێ یه عه‌دانان ئه‌لئوسدى بتنێ تیماركاره نه هاریكراێ نوشدارى یه و ب رێیا نورى مالكى گه‌هشتیه پلێن بلندێن وه‌زاره‌تا ناڤخوه‌یا عیراقێ وه‌كى هه‌ڤالێن خوه‌یێن به‌رێ كو هنه‌دك ژوان به‌فر ل سه‌ر جادان دفرۆت ببو جێگرێ سه‌رۆك كوچمارێ عیراقێ.
