گۆهورینا شێوازێ خوارنێ بۆ نەخۆشێ قۆلۆنێ ژ پێدڤیانە
ئەڤرۆ
بەرپەرێ ساخلەمیێ:
د.دلشاد خالد ادهم، تایبەتمەندێ نشتەرگەریا گشتی دیاركر كو قولون دووماهیا كۆئەندامێ هەرسكرنێ یە و بەرپرسە ژ كێشانا ئاڤێ ژ خوارنێ و ل جهێ دەستنڤێژێ ب دووماهی دهێت.
د.دلشاد دیاركر كو هەتا نوكە ئەگەرێن نەئارامیا قولونێ ددیار نینن و گۆت: ژ عەمرێ 20-30 سالیێ دەستپێ دكەت و رەنگە د عەمرێ 40 سالیێ و ب سەردا تووش ببن.
ل دۆر نیشانێن قولونێێ د.دلشاد دیاركر كو زكێ نەحۆشی ب دژواری دئێشیت و د وەرمیت و دگەل ڤێ چەندێ یان دێ قەبزبیت یان زكچوون بۆ پەیدابیت و پشكەك ژی هەنە، ئاڤەكا چڕ دگەل دەستنڤێژا ستویر دەردكەڤیت.
د.دلشاد خالد دیاركر كو چارەسەریا قولونێ یاهەی، بەلێ كو نەخۆش ژێ ب دووماهی بهێت نینە و هندەك جارا نەخوش یێ ئارامە و هندەك جارانژی گەلەك ئالوز دبیت، لەورا پێدڤیە بهێتە چارەسەركرن.
دیاركر كو گەلەك جورێن چارەسەریێ هەنە وەكو دەرمانان، سیستەمێ خوارنێ و شێوازێ ژیانا خوە ب گۆهوریت و گۆت: مە نەساخ هەنە چەند سالە چارەسەریێ وەردگرن و د ئارامن و چ كێشە نینن، بەلێ دڤێت یێ بەردەوام بیت و ئەو خوارنێن خراب خوە ژێ دووربكەت و رۆژانە هەشت گلاسێن ئاڤێ ڤەخۆت و زەرزەواتی و نانی گەلەك نەخۆت، باشە شوفانی و كەتانی و خوارنێن رووشالی بخۆت دێ گەلەك جوداهی هەبیت.
د.دلشاد خالد دیاركر كو نەخۆشێ قولونێ نابیت ب لەز خوارنێ بخۆت و هێدی هێدی بخۆت و دشێت پشتی سعەتەكێ ژ خوارنێ فێقی بخۆت، بەلێ نابیت ژ 80گرامان پتر بخۆت.
بۆ تشتێ ژی باشترە خوە ژ نانی وسەمونا دووربكەت و گۆت: هەكە خوین دگەل دەستنڤێژا وی هات و كێشا لەشێ وی كێمبوو و زكێ وی ئێشا و خوینا وی كێمبوو دڤێت خوە نیشا نۆشداری بدەت.
