گۆژمه‌كێ پاره‌ى بۆ كه‌سوكارێن شه‌هيدێن شه‌رێ داعشێ دێ هێته مه‌زاختن
ئه‌ڤرۆ نيوز:
وه‌زاره‌تا پێشمه‌رگه راگه‌هاند گۆژمێ پێنج مليۆن ديناران دێ بۆ كه‌سوكارێن شه‌هيدێن شه‌رێ داعشێ وئێك مليۆن ديناران ژى بۆ چاره‌سه‌ريا بريندارێن وى شه‌رى.
جه‌بار ياوه‌ر، ئه‌ميندارێ گشتيێ وه‌زاره‌تا پێشمه‌رگه راگه‌هاند” د كۆمبوونه‌كێ دا ب ئاماده‌بوونا وه‌زيرێ ورێكارێ وه‌زاره‌تا دارايى وئابوورى ل هه‌رێما كوردستانێ وبه‌رپرسێن بلند ل وه‌زاره‌تا پێشمه‌رگه هاتيه ئه‌نجامدان، به‌حس ل مه‌زاختى وپێدڤيێن وه‌زاره‌تا پێشمه‌رگه هاته كرن ژ وان ژى وان شه‌هيد وبريندارێن شه‌رێ داعشێ كو هه‌تا نوكه پاره بۆ نه‌هاتيه مه‌زاختن”.
ياوه‌ر د داخۆيانيه‌كا رۆژنامه‌زڤانى دا گۆت ژى” ل شه‌رێ دژى تيرۆرستێن داعشێ 1726 پێشمه‌رگه شه‌هيد بوون، وه‌زيرێ دارايى وئابوورى سۆز يا داى كو كارێ به‌راهيێ يێ وان دابينكرنا پێنج مليۆن ديناران بيت بۆ مالباتێن سه‌ربلندێن شه‌هيدان، چونكى هه‌تا نوكه هژماره‌كا مه‌زن يا مالباتێن شه‌هيدان ئه‌و گۆژمێ پاره‌ى وه‌رنه‌گرتيه”.
