گەلەك كەس ژ بێكاریێ بووینە رۆژنامەڤان
بێوار حەمدی:
مەدیاكار(یاسر عەبدوالرەحمان) كو ئەڤە نێزیكی دەهـ سالانە وەك پەیامنێر كاردكەت و نوكە ل (گاڤ) د دیدارەكێ دا بۆ رۆژناما ئەڤرۆ گۆت: هەتا نوكە من بۆ گەلەك دەزگەهان كاركریە، بەلێ ژبەركو (گاڤ) ب رەنج و شیانێن رۆژنامەڤانێن دهۆكێ هاتیە دانان، ئەز گەلەكێ ئارامم لڤی جهی و بۆ دەمێ بهێت من پرۆژێن نوو هەنە.
هەروەسا گۆت: گەلەك كەس یان بێژین مایك هەلگر ژبێكاریێ بووینە رۆژنامەڤان و بووینە بەلا بۆ رۆژنامەڤانیێ و كارتێكرن ل ناڤێ هەموویان كریە، لەورا پێدڤیە هەر كەسەك كارێ خوە بزانیت، هەروەسا ئەو دەزگەهێ ئەو لێ كاردكەت ژی بشێت ب دروستی كارێ وی نیشابدەت و ب دیتنا من گوهۆڕینا گەلەك دەزگەهان بۆ رۆژنامەڤانی كارەكێ باش نینە.
