گەندەلیەکا سەیر ل بەغدا
ئەڤرۆ نیوز:
عیراق بوویە داھێنەرترین وەلات ب گەندەلیێ ل سەرانسەری جیھانی و ھەر سال ل دووڤ پیڤەرێن رێکخراوا شەفافیەتا نێڤدەولەتی ل وەلاتێن ئێکێ یێَن گەندەل دھێت ل سەر ئاستێ ھەموو جیھانێَ.
ئەندامەکێ لیژنا دارایی ل پەرلەمانێ عیراقێ ب ناڤێ ھەیسەک جبوری دیارکر، حوکمەتا عیراقێ دەریاچکەیەک ل گەل خارنگەھەکا گوزاری ل باشترین جھێ ناڤەراستا بەغدا یا پایتەختێ عیراقێ دایە ب کرێ بۆ کۆمپانیەکێ کو سەر ب لایەنەکێ سیاسی ڤەیە بۆ دەمێ ٢٠٠ سالان.
ئەوی ئەندامێ لیژنا دارایی دازانین دەریاچکا چادریە و خارنگەھا (بیارە شام) ل ناڤەراستا بەغدا ب کرێ ھاتیەنە دان بۆ کۆمپانیەکێ یا سەر ب لایەنەکێ سیاسی ڤە بۆ دەمێ ٢٠٠ سالان و بۆ ھەر سالەکێ ب تنێ کوژمێ ئێک ملیۆن دینار ھاتیە خەملاندن کو بھایەکێ گەلەک کێمە بۆ جھەکێ وەسا یێ گوزاری، زێدەباری وێ یەکێ کو کەسێ ماف نینە جھێن گشتی و مولکێ دەولەتێ ب دەتە کرێ بۆ دەمێ ٢٠٠ سالان.
ئەندامێ لیژنا دارایی دیارکر ھەکەر ددەمێ حەفتیەکێ دا ئەف بابەتە نەھێتە چارەکرن و ئەڤ جھە ژ وێ کۆمپانیێ نەھێتە وەرگرتن ئەو دێ گەلەک بەلگێن دی یێن گەندەلیێ بۆ رایا گشتی و خەلکێ عیراقێ ئاشکراکەت.