ھەولێرێ ھێرشبەرەکێ سووری ئینا
ئەڤرۆ نیوز:
کارگێریا یانا ھەولێر یا بەردەاومە ل سەر ئینانا یاریزان بۆ بھێزخستنا پێکھاتێ تیما خوە بۆ خولا عیراقێ یا تەپاپێ و ھەڤبەستا ھێرشبەرەکێ سووری ئیمزا کر.
د راگەھاندنەکێ دا یانا ھەولێر ئیمزاکرنا ھەڤبەستا ھێرشبەرێ سووری محەمەد رەفەت مەھتدی راگەھاند کو ئەڤ یاریزانێ ٢٢ سالی یاریزانێ ھەلبژارتیێ سووریێ یێ ئولومپی یە و بەری نوکە یاری بۆ یانا ئتیحاد کریە د خولا سووریێ دا و پاش چویە یانا زەفرە یا ئیماراتی لێ نوکە ب شێوێ خواستن بۆ ماوێ ئێک سال پەیوەندی ب یانا ھەولێر کر بێ کو بھایێ ڤێ ھەڤبەستێ بھێتە ئاشکرا کرن.
