یاریا كیك بوكسینگێ چ كارتێكرنێ ل پاشەرۆژا ئافرەتێ ناكەت
هەرهین محەمەد:
د داخویانیەكێ دا مەحفوز ئیبراهیم خەلیل، سەرۆكێ فیدراسیۆنا كیك بوكسینگێ بۆ رۆژنامەیا ئەڤرۆ گۆت: بەری چەند رۆژان پشكداری قارەمانیەكێ بووین و نەه یانەیێن پارێزگەها دهۆكێ دگەل ئیدارەیا سەربەخۆیا زاخۆ، ل دووماهیێ مە خەلاتێن باش بۆ یاریزانێن یانەیێن سەركەفتی بەلاڤكرن و یاریا كیك بوكسینگێ یاریەكا جەنگی یە و چو مەترسی ل سەر نینە، چونكو هەموو تشتێ پێدڤی دكەت ژلایێ جلكان ڤە و جهێن مەترسی ڤە و یاریا كیك بوكسینگێ بتنێ دو یاریزان دكەنن بەلێ ب مەرجەكی كێشەیا لەشێ هەردو یاریزانان هندی ئێك بیت.
سەرۆكێ فیدراسیۆنا كیك بوكسینگێ گۆتژی: ئەكادیمێن زارۆكان ژی مە هەنە و ل ئەڤێ دووماهیی ب رێژەكا بەرفرەه زارۆكێن خوە دهنێرنە ڤێ یاریێ و ب تایبەت ئەڤ سالە هولێن مە هەموو تژی نە ژ یاریزانێن كیك بوكسینگێ، لێ ئەو گرنگیا ب فوتبۆلێ دهێتە دان چو جاران ب یاریا كیك بوكسینگێ نە هاتیە دان و دسەر هندێ را هەموو دەمان ئەم پشكداری قارەمانێن ل سەر هەرێمێ بووینە و دبینە خودان خەلات و قارەمانین عیراقێ ژی مە پێنچ یاریزانێن كچ هەنە د هەلبژارتیێن عیراقێ دا هەنە گۆت: مەگەلەك یانەیێن گرێدای ئافرەتان هەنە و یاریا كك بوكسینگێ چو مەترسی ل سەر ئافرەتان نینە ل پاشەرۆژێ.
بۆ زانین یارییا كیك بۆكسینگێ ل پارێزگەها دهۆكێ شیاییە ب شێوەكێ بەرچاڤ بنیاتێ خوە ل سەر ئاستێ پارێزگەهێ بەلاڤبكەت و زێدەتری حەفت یانە هەنە خودان یارییا كیك بۆكسینگێ نە، دیسان یاریزانێن وان شیاینە ل سەر ئاستێ كوردستانێ، ئیراقێ و نێڤدەولەتی ئەنجامێن دلخوەشكەر بینن و دووماهی دەستكەفت یا یاریزانێ خودان ماستەر عەبدولرەزاق سەعید شیابوو میدالییا زێری ل سەر ئاستێ نێڤدەولەتی بینت ئەوا ل حەفتییا بۆری ل وەلاتێ ئۆزپاكستانێ هاتییە كرن.
