یاریزانێن یانا ئافره‌تێن دهۆكێ د ناڤ پێكهاتیێ فۆتسالا ئیراقێ دانه
ئه‌ڤرۆ، قه‌یس وه‌یس
راهێنه‌را هه‌لبژارتیێ ئیراقێ بۆ یاریا فۆتسالێ یا ئیرانی شاهناز یاری 22 یاریزان بۆ ناڤ رێزێن تیما خوه ژێگرتن پشتی د تاقیكرنێن سێ رۆژی دا ئه‌وا ل باژێرێ به‌غدا ب پشكداریا 30 یاریزانێن كچ سه‌ر ئاستێ هه‌رێمێ و ئیراقێ خوه به‌رهه‌ڤكرن بۆ كه‌مپێ ده‌رڤه یێ راهێنانێ و قاره‌مانیا رۆژئاڤا ئاسیا ئه‌وا چاڤه‌ڕێ یه ل ناڤه‌راستا هه‌یڤا بهێت وه‌لاتێ سعوودیێ مێڤانداریا وێ بكه‌ت ژوانا چار یاریزانێن یانا ئافره‌تێن دهۆكێ هاتینه داخوازكرن پشتی د تاقیكرنێن پراكتیكی دا سه‌ركه‌فتین.
ئه‌و یاریزانێن یانا ئافره‌تێن دهۆكێ كو پشكداری كرین و هاتینه ژێگرتن ئه‌وژی فائیزا جه‌لال، دێرین مه‌حمود، ده‌ریا دارا و رۆژین سه‌عید كو دێ پشكداری كه‌مپه‌كێ دی یێ راهێنانێ بن ژبۆ ژێگرتنا 14 یاریزانا بۆ تیما ئێكێ یا هه‌لبژارتیێ ئیراقێ، دهێته پێشبینیكرن هه‌ر چار یاریزانێن یانا ئافره‌تێن دهۆكێ مانا خوه د ناڤ لیستا دووماهیێ دا پارێزن ژبه‌ر ئاست و شیانێن وان د خولا كوردستانێ دا و دتاقیكرنان داب ووینه جهێ رازیبوونا كادرێ راهێنانێ و دیسان رێژه‌كا هه‌ره مه‌زن ژ یاریزانێن یانێن هه‌رێما كوردستانێ دناڤ پێكهاتیێ ئیراقێ دانه.
