یاریزانێن یانا دھۆک گەفێن بایکوتا راھێنانان کریە
ئەڤرۆ نیوز، زنار زوبێر:
یاریزانێن یانا تیما تەپا پێ یا دھۆک ئەوا پشکدار د خولا پلە ئێکا ھەرێما کوردستانێ دا گەفێن بایکوتا راھێنان ل کارگێریا یانێ کریە ئەگەر ھەتا رۆژا شەمبیا بھێت مووچەیێن وان نە ھێنە دابین کرن.
زێدەتر د ڤی چارچوڤەی دا ژێدەرەکی تایبەت ژ تیما تەپا پێ بۆ ئەڤرۆ نیوز ئاشکرا کر زێدەتر ژ دو ھەیڤانە تیمێ مووچێن خوە نە وەرگرتین نوکە تیمێ چو کێشە نینن ئەنجامێن وێ د باشن و سەرکێشا کوما ئێکێ یا خولا ھەرێمێ یە بۆ یانێن پلا ئێک و توشی چو خوسارەتیان نەبوینە ھەتا نوکە لەورا تنێ کێشەیا وان ئەوە داخوازا مافێن خوە بکەین ژ کارگێریا یانێ سەرەرای کارگێریا یانی بزاڤ کرینە مووچەیێن تیمێ ئەدا بکەن لێ ل دووماھیێ گەھشتیە وی رادەیەی ھەمی یاریکەران پێکڤە بریار دایە ئەگەر ھەتا رۆژا شەمبیا بھێت مووچەێن وان نە ھێنە دابین کرن نەچارین بایکوتا راھێنانان بکەین بەردەوامیێ نە دەینە یاریێن مای یێن خولێ ژبەرکو زوربەیا یاریزان پشتبەستنا وان لسەر ڤی مووچەیە داخواز بکەن و ئەو دێ چاڤەرێ بریارا کارگێریا یانێ بن پێخەمەت چارەسەرکرنا کێشا مووچەیێن یاریزانان.