یانەیا شێخان: هەردو خولێن ئیراقێ و كوردستانێ بۆ مە د گرنگن
رەمەزان زەکەریا:
د داخویانیەكێدا جێگرێ سەرۆكێ یانەیا شێخان یا وەرزشی دیار كرپشتی نە ئامادەبوونا تیما سلێمانیێ د یاریا ئێكێ یا مە ژ قۆناغا كۆما یا چارچووڤێ خولا پلا دو یا ئیراقێ و هاتینە هژمارتن ب سەركەفتی ئەم چاڤەڕێ یاریا دویێ نە و بۆ خولا كوردستانێ ژی بەرهەڤیان دكەین.
زێدەتر مەهدی سالح گۆت: پشتی بوو ماوەیێ چار هەیڤێن بەردەوام ژ راهێنان و یاریێن هەڤالینی گەشبینین بۆ وەرزێ ئەڤ سالە دێ بشێوەكێ باش هەڤڕكیێ د هەردو خولێن ئیراقێ و كوردستانێ دا كەین ژبەركو هەردو بۆ مە دگرنگن، د خولا ئیراقێ دا بڕیاربوو یاریا ئێكێ بەرانبەر یانەیا سلێمانی بكەین لێ نەئامادەبوونا وان ب سەركەفتی هاتینە هژمارتن یاریا دویێ دێ پێنچ شەمبیا بهێت مێڤانداریا یانەیا غازا باكۆر یا كەركووكی ل یاریگەها خوە كەین ژ چارچووڤێ ڤاڤارتنێن پلا دو دەربازبوو بۆ پلا ئێك و هەر تشتەكێ پێدڤی ل دووڤ شیانان بۆ تیما مە هاتیە بەرهەڤكرن پێخەمەت ب گەهینە ئارمانجا خوە یا دەربازبوونێ.
ژلایەكێ دووڤە بۆ خولا كوردستانێ ناڤهاتی گۆت: پێنەڤێت گرنگیێ ب هەردو خولان ددەین و یا كوردستانێ ژی بوو مە گرنگە، لەوما چاڤەڕێ بڕیارا ئێكەتیا تەپا پێی یا كوردستانێ نە ژبۆ دیاركرنا ژڤانێ دروست یێ دەستپێكرنا خولا پلا دو ئەوا دهێتە پێشبینیكرن ل دووماهیا ڤێ هەیڤێ بهێتە ئەنجامدان.
