یانەیێن وەرزشی پشتەڤانییا خوە بۆ لیستا 275 دوپاتكر
رەمەزان زەكەریا
یانەیێن وەرزشی یێن بەردەڕەش و دینارتە پشتەڤانییا خوە نیشاندا بۆ لیستا ژمارە 275 یا پارتی دیموكراتی كوردستان بۆ هەلبژاردنێن خولا شەشێ یا جڤاتا نوونەرێن ئیراقێ و بەربژارێن وێ.
سەمیر عەبدولقادر سەرۆكێ یانەیا بەردەڕەش بۆ رۆژناما ئەڤرۆ گۆت: پارتی دیموكراتی كوردستان هەموو دەما گرنگی ب وەرزشێ دایە ل كوردستانێ و پشتەڤانیا هەموو یانەیا كریە، ئەم دێ ب هەموو شیانێن خوە پشتەڤانیا بەربژێرێن پارتی دیموكراتی كوردستان و لیستا 275 كو هەردەم پەرلەمانتارێن كورد ل بەغدا و ل ناڤخۆ دگەل خۆشی و نەخۆشیێن گەنج و لاوان و وەرزشڤانان بوونە، پێگەهێ پارتی چەند ب هێز بیت دەستكەفت بۆ كوردان زێدە دبن، مەسرور بارزانی جێگرێ سەرۆكێ پارتی دیموكراتی كوردستان وسەرۆكێ حكومەتا هەرێما كوردستانێ وەرزشا كوردستانێ گەلەك بەرەڤ پێش بریە ل پشتەڤانیا یانەیان و دروستكرنا یاریگەهان و هەموو جۆرە پشتەڤانیەك بۆ یانەیێن كوردستانێ كریە، واتە چەند پارتی ب هێز بیت دێ پێشڤەچوون ل هەموو بواران دا بەرچاڤ بیت .
ناڤبری گۆتژی: وەك یانەیا وەرزشیا بەردەڕەش پەیاما مە ئەوە كو لیستا پارتی دیموكراتی كوردستان ژمارە 275 زۆرترین دەنگا ب دەستڤە بینیت و ئەم ب هەموو شیانێن خوە دێ پشتەڤانیێ ل بەربژێران و لیستێ كەین كو پشت راستین دێ مافێن مە یێن وەرزشی ل سەر دەستێ پەرلەمانتارێن پارتی هێتە جێبەجێكرن و بەردەوام پارتی خوە ل یانەیێن وەرزشی كریە خودان ،پارتی چەند دەنگا زێدەتر بینیت دێ پتر داخوازی و مافێن وەرزشڤان و وەرزشدۆستان هێنە جێبەجێكرن.
ژلایێ خوەڤە رەشید جمعا سەرۆكێ یانەیا دینارتە بۆ رۆژناما ئەڤرۆ گۆت : دەستەیا كارگێریا یانەیا دینارتە یاوەرزشی پشتەڤانیا خوە نیشاندایە بۆ بەربژێرو لیستا 275 یا پارتی دیموكراتی كوردستان و ئەم د وێ باوەریێ دانە كو ژبلی پارتی ل دەمێ بۆری كەس پشتەڤانیا وەرزشا كوردستانێ نەكریە و لەورا ئەم ب هیڤینە چەند پێگەهێ پارتی بهێز بیت دێ كوردستان بهێز بیت و دێ پێشكەفتن ل هەموو وارەكێ دا هێتە دیتن لەورا هەر دەستپێكا بانگەشەیێ مە پشتەڤانیا بەربژێرو لیستا پارتی كریە و هەتا رۆژا دەنگدان دێ بەردەوام بین ل سەر گەهاندنا پەیاما پارتی ب جەماوەرێ دەڤەرێ ب گشتی و وەرزشڤان و وەرزشدۆستان ب تایبەتی .
ناڤبری گۆتژی : نوكە یانەیا دینارتە خودان یاریگەهەكا مەزن و پێشكەفتیە كو ل سەردەستێ مەسرور بارزانی ، جێگرێ سەرۆكێ پارتی دیموكراتی گوردستان و سەرۆكێ حكومەتا هەرێما كوردستانێ هاتیە دروستكرن ، پارتی پشتەڤانێ سەرەكیێ وەرزشا كوردستانێیە، ئەم دێ كارەكێ مەزن بۆ بەربژێر لیستا 275 یا پارتی ئەنجامدەین هەتا رۆژا هەلبژاردن.
